ស្នេហ៍ពិត ឬដោយសារទឹកលុយ? តារាចម្រៀងវ័យ ២៩ឆ្នាំរូបនេះ ស្ម័គ្រចិត្តរៀបការជាមួយអ្នកជំនួញ អាយុ ៧១ឆ្នាំ

ម៉ាឡេស៊ី៖ កាលពីថ្មីៗកន្លងទៅនេះ សារព័ត៌មានក្នុងប្រទេស បានចេញផ្សាយរឿងដ៏គួរឲ្យភ្ញាក់ផ្អើលមួយ នៅក្នុងប្រទេសម៉ាឡេស៊ី អំពីតារាចម្រៀងជនជាតិម៉ាឡេស៊ីម្នាក់ឈ្មោះថា Samantha Ee Kai Chee បានរៀបមង្គលការជាមួយបុរសអ្នកជំនួញវ័យ ៧១ ឆ្នាំ មានឈ្មោះថា Datuk Tai Huat Chang។ ពិធីមង្គល់ការនេះ ត្រូវបានរៀបចំនៅសណ្ឋាគាលំដាប់ផ្កាយ ៥ ដែលមានទីតាំងចំកណ្តាលទីក្រុង កូឡាឡាំពួ តែម្តង។

ម៉្យាងវិញទៀត អ្វីដែលកាន់តែភ្ញាក់ផ្អើលសម្រាប់ពិធីមង្គលការរវាងកូនក្រមុំ ខុសវ័យពីកូនកំលោះរហូតដល់ ៤១ ឆ្នាំមួយគូនេះ បានឲ្យដឹងបន្ថែមថា ខណៈពេលកំពុងរៀបការកូនក្រមុំមានផ្ទៃពោះ ៦ខែរួចទៅហើយ ហើយនាងនឹងត្រូវសម្រាលក្នុងខែកញ្ញាឆាប់ៗខាងមុខនេះផងដែរ។ ចំពោះការមានផ្ទៃពោះនេះ តារាចម្រៀងរូបនេះមិនអាចលាក់បាំងពីក្រសែភ្នែកអ្នកកាសែតបានឡើយ ព្រោះថាក្នុងពិធីមង្គលការ ពោះរបស់នាងមានសភាពធំបាត់ទៅហើយ។

គួរបញ្ជាក់ផងដែរថា លោក Datuk Tai Huat Chang គឺជាប្រធាននៃក្រុមហ៊ុន GE Mining Sdn Bhd។ ហើយនេះគឺជាលើកទី២ហើយ ដែលរូបលោកបានរៀបការ។ លើសពីនេះ អ្វីដែលបញ្ជាក់បន្ថែម ពីមិត្តភក្តិរបស់តារាចម្រៀងវ័យ ២៩ ឆ្នាំរូបនេះ បានឲ្យដឹងបន្ថែមថា ការរៀបការរវាងនាង និងបុរសវ័យ ៧១ ឆ្នាំរូបនេះ គឺដោយការស្រលាញ់ ចេញពីបេះដូងពិតៗ មិនមែនដោយសារទឹកលុយនោះទេ ដូច្នេះហើយគ្រប់គ្នាកុំវាយតម្លៃពួកគេតែត្រឹមសម្បកក្រៅ។

គួរឲ្យដឹងផងដែរថា នាង Samantha Ee Kai Chee កើតនៅក្នុងឆ្នាំ ១៩៩០ នៅប្រទេសម៉ាឡេស៊ី។ ហើយរូបនាង គឺជាអតីតសមាជិកក្នុងក្រុម Four Golden Princess។ ក៏ប៉ុន្តែក្រុមរបស់នាង ត្រូវបានបំបែកតាំងពីឆ្នាំ ២០០៨ មកម៉្លេះ។ លុះ១៣ឆ្នាំក្រោយ មកដល់ឆ្នាំនេះ ទើបនាងសម្រេចចិត្តចូលរោងការជាមួយបុរសអ្នកជំនួញវ័យ ៧១ ឆ្នាំរូបនេះតែម្តង៕

តើប្រិយមិត្តយល់យ៉ាងណាដែរ? 

• ស្នេហា