ឪពុកម្តាយជាច្រើននាក់ បានដុតក្រដាសសែននៅមុខសាលា ដើម្បីបន់ស្រន់ឱ្យកូនប្រលងជាប់ថ្នាក់ជាតិ

ចិន៖ កាលពីពេលថ្មីៗនេះ មានឪពុកម្តាយជាច្រើននាក់ បាននាំគ្នាដុតក្រដាសសែន នៅមុខសាលាដើម្បីបន់ស្រន់ឱ្យកូនៗរបស់ពួកគេ ប្រលងជាប់ថ្នាក់ជាតិ កំពុងតែទាក់ទាញចំណាប់អារម្មណ៍ពីសំណាក់មហាជនជាច្រើន។ 

យោងតាមប្រភពបានឱ្យដឹងថា មុនពេលប្រលងថ្នាក់ជាតិមួយថ្ងៃ មានអាណាព្យាបាលជាច្រើននាក់ បានដុតក្រដាសសែនជាច្រើនហូហែដើម្បីបន់ស្រន់សុំទេវតាឱ្យជួយកូនៗរបស់ពួកគេប្រលងជាប់ ព្រោះតែការប្រលងថ្នាក់ជាតិនេះ ពិតជាមានសារៈសំខាន់ខ្លាំងណាស់ ក្នុងការកំណត់អនាគតរបស់ពួកគេទាំងស្រុង។

គួរឱ្យដឹងផងដែរថា ជារៀងរាល់ឆ្នាំ នៅក្នុងខែមិថុនា តែងតែមានការប្រលងថ្នាក់ជាតិនៅក្នុងប្រទេសចិន ដែលមានចំនួនសិស្សជាង ១០លាននាក់ចូលរួម។

យ៉ាងណាមិញ ខាងសាលាបាននិយាយថា ទង្វើបែបនេះគឺត្រូវបានហាមឃាត់ ប៉ុន្តែសន្តិសុខសាលាមិនអាចរារាំងឪពុកម្តាយជាច្រើនដុតក្រដាសសែនទាំងយប់ ឬពួកគេដុតរាងឆ្ងាយពីបរិវេណសាលានោះទេ។

យ៉ាងណាមិញ ជុំវិញនឹងករណីនេះដែរ ក៏មានអ្នកប្រើប្រាស់បណ្តាញសង្គមម្នាក់ បានលើកឡើងថា ការធ្វើបែបនេះប្រៀបដូចជាបុណ្យសពអីចឹង ព្រោះជាទូទៅលុះត្រាតែមានបុណ្យសព ទើបមនុស្សដុតក្រដាសសែន៕

• សាលា