សៀមរាប៖ លោក ជា វណ្ណារិទ្ធ គឺជាពិធីករមួយរូប ដ៏មានប្រជាប្រិយភាព តាមរយៈកម្មវិធីកម្សាន្តនានា នៅលើកញ្ចក់ទូរទស្សន៍ដ៏ល្បីមួយ។ មួយរយៈនេះគេសង្កេតឃើញថា តារាប្រុសរូបនេះ មានភាពមមាញឹកខ្លាំងក្នុងអាជីពសិល្បៈរបស់ខ្លួន។
ប៉ុន្តែទោះបីជារវល់បែបណា ក៏រូបលោក មិនភ្លេចឆ្លៀតពេលទំនេរ សម្រាប់ក្រុមគ្រួសារក្នុងការធ្វើដំណើរកម្សាន្តទៅតាមកន្លែងទេសចរណ៍នោះឡើយ។ ជាក់ស្ដែង តាមរយៈបណ្ដាញសង្គមរបស់លោក ជា វណ្ណារិទ្ធ តែងតែបង្ហោះនូវកម្រងរូបភាពជាច្រើនសន្លឹក បង្ហាញពីដំណើរកម្សាន្ត និងរូបភាពស្វីតៗ ក្នុងក្រុមគ្រួសារជារឿយៗ។
ថ្មីៗនេះ រូបលោកត្រូវបានហ្វេនៗ សរសើរមិនដាច់ពីមាត់ ពីការបំពេញតួនាទីជាលោកប៉ា និងជាស្វាមីដ៏ល្អម្នាក់ផងដែរ ក្រោយពីឃើញរូបភាពប៉ុន្មានសន្លឹក ពីដំណើរកម្សាន្ត នៅលើទឹកដីខេត្តសៀមរាប ជុំគ្នាជាមួយនឹងគ្រួសារបស់លោក។
ជាពិសេស រាល់រូបភាពរវាងលោក និងភរិយា សុទ្ធតែមើលទៅ បង្កប់ដោយស្នាមញញឹម និងពោរពេញដោយក្ដីសុខយ៉ាងខ្លាំង ដែលធ្វើឲ្យប្រិយមិត្តខ្លះ ឃើញហើយ មានចិត្តច្រណែនដល់ភរិយារបស់លោកថែមទៀតផង ដែលមានស្វាមីល្អបែបនេះ៕
ទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]