ថ្នាំពន្យារកំណើត មានច្រើនប្រភេទណាស់លើទីផ្សារ ហើយភាគច្រើន មានប្រភពមកពីអ័រម៉ូន។ បើយើងមានការភ័យខ្លាច ផលវិបាករបស់ថ្នាំពន្យារកំណើត អាចងាកមករកការប្រើឱសថរុក្ខជាតិ ជាជម្រើសល្អបំផុត មានសុវត្ថិភាព និងអាចពន្យារកំណើតយ៉ាងមានប្រសិទ្ធភាព។ “Hello គ្រូពេទ្យ” នឹងប្រាប់ពីដំណើរការពន្យារកំណើតដោយប្រើឱសថរុក្ខជាតិ ឲ្យគ្នាស្រីៗទាំងអស់បានដឹង។
១- ពន្យារកំណើតដោយប្រើថ្នាំរុក្ខជាតិមានប្រសិទ្ធភាពមែនអត់?
ស្រមពេលរុក្ខជាតិខ្លះ អាចជួយដល់ការមានកូន រុក្ខជាតិប្រភេទផ្សេងទៀត ក៏អាចរារាំងការបង្កកំណើតបានដូចជា។ ហេតុនេះ ទើបមានរុក្ខជាតិ ជាច្រើនអាចប្រើប្រឆាំងមិនឲ្យមានកូនបាន។ ប្រភេទខ្លះ អាចទប់មិនឲ្យមានការកាច់សំបុកទៅលើភ្នាសស្បូន ហើយខ្លះទៀត អាចធ្វើឲ្យស្បូនមានការកន្ត្រាក់ខុសធម្មតា និងមានប្រភេទមួយចំនួន គឺមិនឲ្យមានកូនតែម្ដង។
២- រុក្ខជាតិអាចរារាំងការមានកូន
– ឫស ស្តូនស៊ីត (Stoneseed root)៖ ត្រូវក្រុមស្រីៗជនជាតិភាគតិច ដាកូតា (Dakota) ប្រើត្រាំក្នុងទឹកត្រជាក់ជាច្រើនម៉ោង រួចយកមកផឹកជាប្រចាំរយះពេល ៦ខែ ដើម្បីការពារកុំមានគភ៌។
– ឫស ជេកអ៊ីនឌឺផុលភីត (Jack-in-the-pulpit)៖ ត្រូវបានប្រើប្រាស់ស្រដៀងរុក្ខជាតិខាងលើដែរ តែប្រើដោយក្រុមជនជាតិភាគតិច ហូពី (Hopi)។
– រុក្ខជាតិមានបន្លាម្យ៉ាងឈ្មោះថា ស៊ីសស៊ល (Thistles)៖ ត្រូវបានក្រុមជនជាតិភាគតិច គីណូ (Quinault) ដាំផឹកដូចតែ ដើម្បីពន្យារការមានកូនរយះពេលខ្លី។
៣- រុក្ខជាតិការពារមិនឲ្យស៊ុតកាច់សំបុកបាន
– គ្រាប់ម៉ឺមការ៉ុតព្រៃ ឬ Queen Anne’s Lace៖ គឺជាប្រភេទរុក្ខជាតិថ្នាំ ប្រើសម្រាប់ពន្យារកំណើត មានដើមកំណើតមកពីប្រទេសឥណ្ឌា។បន្ទាប់ពីមានការរួមភេទដោយមិនបានការពារ ស្រីសង្ស័យអាចមានកូនជាយថាហេតុ ត្រូវញ៉ាំគ្រាប់រុក្ខជាតិនេះ ៧ថ្ងៃ ដើម្បីការពារការកាច់សំបុករបស់ស៊ុតបង្កកំណើត។
– ស្លឹកស្មាតវីត (Smartweed)៖ ត្រូវគេជឿថា អាចការពារការកាច់សំបុកស៊ុតបង្កកំណើត ដោយសារតែវាមានជាតិរូទីន (Rutin) កែសេទីន (Quercertin) និងអាស៊ីដហ្កាលិក (Gallic acid)។
៤- ផលប៉ះពាល់ប្រើស្លឹកថ្នាំរុក្ខជាតិដើម្បីពន្យារកំណើត
ស្លឹករុក្ខជាតិ គឺអាចមានសារធាតុឱសថផង និងផលប៉ះពាល់ផង ដូចគេថាថ្នាំ គឺជាអាវុធមុខ ២។ ខាងក្រោមជាផលប៉ះពាល់ឧស្សាហ៍ជួបប្រទះ៖
– ឆ្អល់ពោះ
– អស់កម្លាំង
– ប្រតិកម្មអាលែកហ្ស៊ី ផ្សេងៗ
– សម្ពាធឈាមធ្លាក់ចុះ
– អាចធ្វើឲ្យងងុយគេង និងបាក់ទឹកចិត្តថែមទៀតផង (អាចបណ្ដាលមកពីប្រតិកម្មជាមួយថ្នាំដទៃ)
– ចាញ់ពន្លឺ (អាចបណ្ដាលមកពីប្រតិកម្មជាមួយថ្នាំដទៃ)
– មានការរលាកទៅលើតម្រងនោម
– អាចធ្វើឲ្យថ្នាំងងុយគេង និងថ្នាំបំប៉នផ្សេងៗ កាន់តែមានឥទ្ធិពល
ផលប៉ះពាល់ គឺអាស្រ័យទៅលើប្រភេទរុក្ខជាតិ ហើយរាងកាយយើងម្នាក់ៗ គឺឆ្លើយតបទៅនឹងអំពើថ្នាំផ្សេងៗគ្នា។ គួរប្រឹក្សាជាមួយគ្រូពេទ្យមុនពេលប្រើប្រាស់ប្រភេទរុក្ខជាតិបំប៉នទាំងនេះ និងប្រើប្រាស់តាមការណែនាំ មានបិទនៅលើសំបកដប និងវេជ្ជបញ្ជាគ្រូពេទ្យ ដើម្បីចៀសវាងផលវិបាកផ្សេងៗ។ បើមានសញ្ញាអ្វីប្លែក ត្រូវពិភាក្សាជាមួយគ្រូពេទ្យ ត្រូវប្រុងប្រយ័ត្ននៅពេលប្រើប្រាស់ប្រភេទរុក្ខជាតិឱសថទាំងនេះ ព្រោះមិនមានការទទួលស្គាល់ពី FDA ដូចថ្នាំដទៃទៀតនោះទេ។
៥- កត្តាប្រឈមទាក់ទងទៅនឹងការប្រើថ្នាំរុក្ខជាតិដើម្បីពន្យារកំណើត
បើយើងកំពុងប្រើប្រាស់ថ្នាំសង្កូវណាមួយ គួរពិភាក្សាជាមួយគ្រូពេទ្យ អំពីអន្តរកម្មរបស់វា។ យើងនៅតែមានអាចមានកូនដដែល ទោះជាប្រើថ្នាំទាំងនេះក៏ដោយ ហើយបើសិនជាមានមែននោះ គួរតែបញ្ឈប់ការប្រើប្រាស់ជាបន្ទាន់ និងស្វែងរកជំនួយពីគ្រូពេទ្យ ព្រោះថារុក្ខជាតិខ្លះអាចមានអំពើមិនល្អទៅលើទារកក្នុងផ្ទៃ។ ករណីកំពុងប្រើរុក្ខជាតិបំប៉ន ហើយត្រូវធ្វើការវះកាត់ គួរតែប្រាប់គ្រូពេទ្យឲ្យបានដឹងជាមុន ព្រោះថាវាអាចមានប្រតិកម្មជាមួយថ្នាំសណ្ដំ។
ក្នុងករណីមានសំនួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]