អេស្ប៉ាញ៖ មិនមែនតែនៅឈុតធំ FC Barcelona ប៉ុណ្ណោះទេ ដែលមានការនាំចូលកីឡាករច្រើននារដូវក្តៅនេះ។ ដោយឡែក ចំពោះឈុតយុវជន Barcelona (B) វិញ ក៏កំពុងមានការប្រជែងយកយុវជនថ្មីសម្រាប់ក្លិប ដោយត្រូវប្រជែងជាមួយក្លិប Real Madrid សម្រាប់កីឡាករ Andres Martin របស់ក្លិប Cordoba ខណៈដែលតម្លៃខ្លួនរបស់កីឡាកររូបនេះ ត្រូវបានគេប៉ាន់ស្មានថា ប្រហែលជាខ្ទង់ ៤លានអឺរ៉ូ។
គួរឱ្យដឹងថា ក្លិប Real Madrid ក៏បានប្រជែងទៅលើការចុះកិច្ចសន្យានាំយកកីឡាកររូបនេះដែរ ប៉ុន្តែចំពោះតម្លៃខ្លួន ៤លានអឺរ៉ូនេះ បានធ្វើឱ្យ Real មានការរារែក ស្របពេលដែល Barcelona ចូលមកចែចូវកីឡាកររូបនេះដូចគ្នា។ ក្លិប Cordoba កំពុងនៅលីគទី ២ របស់អេស្ប៉ាញដែលកំពុងជួបបញ្ហាហិរញ្ញវត្ថុដែរនោះ ទំនងជានឹងអាចលក់កីឡាកររូបនេះឱ្យទៅ Barcelona ពិតមែន ប្រសិនបើ Barca ហ៊ានឱ្យតម្លៃតាមការស្នើសុំ។
កីឡាករវ័យ ១៩ឆ្នាំរូបនេះ អាចលេងបានដោយទំនុកចិត្ត មិនថាជាតំបន់បម្រើកណ្តាល ឬបម្រើស្លាបនោះទេ។ ប្រសិនបើរូបគេនឹងត្រូវផ្ទេរមកកាន់ Barcelona ពិតមែន នោះគេនឹងត្រូវចូលរួមជាមួយឈុត Barcelona B យ៉ាងហោចណាស់ ១២ខែសិន មុននឹងមានឱកាសមកកាន់ឈុតធំ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]