ភ្នំពេញ៖ ប្រិយមិត្តជាច្រើនប្រាកដជាបានជ្រាបហើយថា តារាសម្តែងជើងចាស់ដ៏មានប្រជាប្រិយភាព លោកសុវណ្ណ មករា បានស្ងាត់ពីសិល្បៈអស់ពេលជាច្រើនឆ្នាំមកហើយ ជាមួយនឹងការងារថ្មីៗរបស់លោក មានភាពមមាញឹកយ៉ាងខ្លាំង។
តែពេលនេះស្រាប់តែលោកបានធ្វើឲ្យអ្នកគាំទ្រជាច្រើនពិតជារំភើប នៅក្នុងចិត្តយ៉ាងខ្លាំង ក្រោយលោកបានបង្ហោះរូបភាពមួយសន្លឹក ភ្ជាប់ជាមួយនឹងសារដ៏មួយបញ្ជាក់ថា លោកនឹងត្រលប់មក ដើរក្នុងវិស័យនេះវិញជាថ្មីម្តងទៀត ថែមទាំងត្រៀមបញ្ចេញសារដៃឆាប់ៗនេះផងដែរ។
ដោយក្នុងនោះលោកបានបន្ថែមថា៖ «ផ្អាកជិតដប់ឆ្នាំហើយចឹងសូមប្អូនអ្នកដឹកនាំកុំប្រកាន់បងអី អាចមិនសូវចាំប្រារ៉ូ ដូចពីមុនទេ អរគុណក្រុមការងារ MKR ដែលបានផ្ដល់ឱកាសឲ្យខ្ញុំបញ្ចេញស្នាដៃម្ដងទៀត នៅក្នុងរឿង «បញ្ចប់ស្នេហ៍ត្រឹមអូន» ដែលនឹងដាក់បញ្ចាំងនៅក្នុង ស្ថានីយ៍ទូរទស្សន៍ CTN ក្នុងពេលឆាប់ៗនេះ»។
ទន្ទឹមនឹងដំណឹងមួយនេះផងដែរ ធ្វើឲ្យអ្នកគាំទ្រជាច្រើនរំភើបនៅក្នុងចិត្ត និងត្រៀមចង់មើលរឿងថ្មីដែលលោកបានចូលសម្តែង ខណៈពេលដែលឈប់ពីសិល្បៈអស់ពេលជាច្រើនឆ្នាំមកនេះ៕
សូមទស្សនារូបភាពខាងក្រោមនេះ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
