ប្រេស៊ីល៖ សហព័ន្ធបាល់ទាត់ប្រេស៊ីល (CBF) បានចេញសេចក្តីបញ្ជាក់ច្បាស់ការអំពីស្ថានភាពរបួសរបស់កីឡាករ Neymar ក្រោយមានបញ្ហារបួសក្នុងការប្រកួតមិត្តភាពទល់នឹងជម្រើសជាតិកាតា។
Neymar ត្រូវគេសង្កេតឃើញស្រក់ទឹកភ្នែកនៅកៅអីបម្រុង បន្ទាប់ពីគ្រូបង្វឹករបស់ប្រេស៊ីលបានសម្រេចប្តូរចេញ ដែលក្រោយមកត្រូវបានក្រុមការងារជួយគ្រាចុះទៅកាន់បន្ទប់ផ្លាស់សម្លៀកបំពាក់។ ពាក់ព័ន្ធនឹងបញ្ហារបួសនេះដែរ សហព័ន្ធបាល់ទាត់ប្រេស៊ីលបានបញ្ជាក់ថា Neymar នឹងត្រូវអវត្តមានតែម្តងពីព្រឹត្តិការណ៍ Copa America ២០១៩នេះ។ សហព័ន្ធបាល់ទាត់ប្រេស៊ីលក៏បានចេញសេចក្តីថ្លែងការណ៍ថា៖ “ក្រោយពីរងរបួសកជើងខាងស្តាំក្នុងការប្រកួតទល់នឹងកាតា កីឡាករ Neymar ត្រូវបានក្រុមគ្រូពេទ្យពិនិត្យទៅលើស្ថានភាពបន្ថែម ដែលបញ្ជាក់ថារូបគេបានដាច់សរសៃពួរនៅកជើង។ ដោយសារតែភាពធ្ងន់ធ្ងរនៃរបួសរបស់គេ Neymar នឹងមិនអាចមានលក្ខខណ្ឌណាមួយដែលអាចព្យាបាលឱ្យជាសះស្បើយ សម្រាប់ការចូលរួមក្នុងពានរង្វាន់ Copa Amarica ឡើយ”។
គួរបញ្ជាក់ថា នារដូវកាលនេះ Neymar បានអវត្តមានពីទីលានជាបន្តបន្ទាប់នៅ PSG ដោយសារបញ្ហារបួស ខណៈដែលនេះជារឿងសោកស្តាយបន្ថែមទៀត ដែល Neymar ត្រូវអវត្តមានពី Copa America ដែលរៀបចំនៅប្រេស៊ីល ដែលជាទឹកដីកំណើតរបស់គេផ្ទាល់៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]