បរទេស៖ ក្លិបបាល់ទាត់ Liverpool ទើបតែគ្រងជើងឯក UEFA Champions League ជាលើកទី៦ ក្នុងប្រវត្តិសាស្រ្តរបស់ខ្លួន ក្រោយបំបាក់ Tottenham Hotspurs កាលពីពេលថ្មីៗនេះ។ យ៉ាងណាមិញ លទ្ធផលលើកពានក្តៅៗនេះ បច្ចុប្បន្នក្លិបហង្សក្រហម Liverpool ទើបតែឈរនៅចំណាត់ថ្នាក់លេខ ១១ នៅក្នុងតារាងក្លិបនៅអឺរ៉ុបប៉ុណ្ណោះ។ ចុះចំណែកអតីតក្រុមជើងឯក ៣សម័យកាលជាប់គ្នា Real Madrid វិញ តើកំពុងឈរលេខប៉ុន្មានទៅ?? បើក្រុមធ្លាក់តាំងពីវគ្គ ១៦ក្រុមចុងក្រោយទៅហើយ??
បើតាមគេហទំព័រផ្លូវការរបស់ UEFA បានបង្ហាញថា ក្លិប Real Madrid នៅតែបន្តឈរនៅលើកំពូលតារាងក្លិបអឺរ៉ុបដដែល ដោយឈរនៅចំណាត់ថ្នាក់កំពូលនេះ ៥រដូវកាលជាប់ៗគ្នាមកហើយ។ ក្លិប Real Madrid មានពិន្ទុសរុប ១៤៦,០០០ពិន្ទុ តាមពីក្រោយដោយ Barcelona មានចំនួន ១៣៨,០០០ពិន្ទុ និង Bayern Munich មាន ១២៨,០០០ពិន្ទុ ខណៈ Liverpool ដែលជើងឯករដូវកាល ២០១៨/២០១៩ វិញ កំពុងឈរនៅចំណាត់ថ្នាក់លេខ ១១ ដោយមាន ៩១,០០០ពិន្ទុ។
សូមជម្រាបថា ចំណាត់ថ្នាក់មេគុណនៃតារាងនេះ គឺផ្អែកទៅលើលទ្ធផលរបស់ក្លិបនីមួយៗក្នុងក្របខណ្ឌ UEFA Champions League និង UEFA Europa League រយៈពេល ៥រដូវកាលចុងក្រោយ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
