កូរ៉េខាងត្បូង៖ កាលពីរាត្រីថ្ងៃទី២ ខែមិថុនានេះ ក្រុមចម្រៀងនារីល្បីលំដាប់ជួរមុខ Blackpink ត្រូវបានអញ្ជើញធ្វើជាគណកម្មាធិការដាក់ពិន្ទុ នៅក្នុងកម្មវិធីប្រកូតក្បាច់រាំ “Stage K” របស់ទូរទស្សន៍ JTBC កូរ៉េ។
តួយ៉ាង នៅក្នុងសប្តាហ៍នេះផងដែរ បេក្ខជនដែលចូលរួមប្រកួតសុទ្ធសឹងតែជាអ្នកគាំទ្ររបស់ ក្រុម Blackpink ដែលពួកគេបានមកពីប្រទេសជាច្រើនផ្សេងៗពីគ្នា ធ្វើការប្រកួតប្រជែង ដើម្បីបានឡើងមកសម្តែងនៅលើឆាក Stage K នេះ នៅចំពោះIdol ក្នុងដួងចិត្តរបស់ពួកគេ ហើយអ្វីដែលជាពិសេសនោះ ក្រុមដែលឈ្នះទទួលបានពិន្ទុពីការបោះឆ្នោត ពីគណកម្មាធិការច្រើនជាងគេ នឹងមានឱកាសបានសម្តែងជាមួយនឹងក្រុម Blackpink នៅលើឆាកនេះថែមទៀតផង។
ជាក់ស្តែង មុននឹងចាប់ផ្តើមការប្រកួត កម្មវិធីក៏បានរៀបចំឆាកសម្តែងពិសេសមួយ ពីក្រុមកុមារីវ័យ៨ឆ្នាំ គួរឲ្យស្រលាញ់៤ដួង គឺក្រុម KKIBB មកពីប្រទេសថៃ ដែលពួកគេទាំង៤បានសម្តែងក្បាច់រាំនូវបទ «DDU-DU-DDU-DU Remix» ដែលធ្វើឲ្យអ្នកទស្សនាគ្រប់គ្នា ជាពិសេសគឺក្រុម Blackpink ផ្ទាល់តែម្តង ទស្សនាមិនដាក់ភ្នែក ស្រែកដល់ទីបញ្ចប់តែម្តង។
ជាកាពិតណាស់ កុមារីទាំង៤ដួងនេះ បានតុបតែងខ្លួនដូចនឹងសមាជិកក្រុម Blackpink កាលពីបទ «DDU-DU-DDU-DU» ដែលមើលទៅពិតជាគួរឲ្យស្រលាញ់ខ្លាំងមែនទែន ហើយអ្វីដែលគួរឲ្យកោតសរសើរជាងនេះទៅទៀតនោះ ក្រុម KKIBB មួយនេះ បានបញ្ចេញក្បាច់រាំពោរពេញទៅដោយថាមពល និងភាពរស់រវើក ជាពិសេសគឺត្រង់នៅក្បាច់ចុងក្រោយរបស់ពួកគេ បានធ្វើឲ្យគ្រប់គ្នាភ្ញាក់ផ្អើលសឹងបិទមាត់មិនជិតតែម្តង៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]