ញាក់សាច់! ទិដ្ឋភាពអ្នកគាំទ្ររាប់សែននាក់ អបអរការដង្ហែពាន Champions League នៅទីក្រុង Liverpool (មានវីដេអូ)

អង់គ្លេស៖ ក្លិបបាល់ទាត់ Liverpool បានរៀបចំព្រឹត្តិការណ៍ដង្ហែពាន UEFA Champions League នៅទីក្រុង Liverpool ផ្ទាល់ ក្រោយពេលដែលក្លិបបានបំបាក់មិត្តរួមលីគ Tottenham Hotspurs នៅឯទឹកដីអេស្ប៉ាញ និងគ្រងជើងឯកពាននេះជាលើកទី ៦ ក្នុងប្រវត្តិសាស្រ្តរបស់ក្លិប។

ក្រុមការងាររបស់ក្លិប Liverpool បានត្រៀមរៀបចំនូវឡានក្រុងបើកដំបូលរង់ចាំរួចជាស្រេចនៅអាកាសយានដ្ឋានទីក្រុង Liverpool សម្រាប់ការដង្ហែពានជាមួយក្រុមការងាររបស់ក្លិប ព្រមទាំងកីឡាករទាំងអស់ដែលធ្វើដំណើរមកពីទីក្រុងម៉ាឌ្រីដ ប្រទេសអេស្ប៉ាញ។ ក្បួនដង្ហែពានរង្វាន់នេះបានចាប់ផ្តើមពីតំបន់ Allerton Maze រហូតដល់តំបន់ Waterfront នាទីក្រុង Liverpool ដោយឆ្លងកាត់វត្តមានរបស់អ្នកគាំទ្ររាប់សែននាក់។ បើតាមរបាយការណ៍ពីសមត្ថកិច្ចក្នុងតំបន់បានឱ្យដឹងថា ចំនួនអ្នកចូលរួមក្នុងព្រឹត្តិការណ៍ដង្ហែពាននេះ មានចំនួនជាង ៧៥០,០០០នាក់៕

សូមទស្សនាវីដេអូ និងរូបភាពជាច្រើននៅខាងក្រោម៖