រាជធានីភ្នំពេញ ៖ បុរសម្នាក់អះអាងថាជាមន្ត្រីនគរបាលព្រហ្មទណ្ឌក្រសួងមហា ផ្ទៃ អត់មានអត្តសញ្ញាណសម្គាល់ បានដកកាំភ្លើងខ្លីម៉ាកឡុកភ្ជង់ និងវាយទៅលើបុគ្គលិកស្ថានីយប្រេងឥន្ធនៈស៊ូគីម៉ិច ចំណុចច្រមុះជ្រូកក្បាលថ្នល់ម្នាក់ ដោយសារតែខឹងអត់ជួយរុញរថយន្តដែលបញ្ចេះអត់ឆេះ ត្រូវកម្លាំងកងរាជអាវុធហត្ថខណ្ឌចំការមនឃាត់ខ្លួន ភ្លាមៗ។ ហេតុការណ៍នេះកើតឡើងកាលពីវេលាម៉ោង១២និង៣០នាទីរំលង អធ្រាត្រឈានចូលថ្ងៃទី២១ មីនា នៅស្ថានីយប្រេងឥន្ធនៈស៊ូគីម៉ិចត្រង់ច្រមុះជ្រូកក្បាលថ្នល់ មហាវិថីព្រះមុនីវង្សកែង២៧១ ក្នុងសង្កាត់ក្បាលថ្នល់ ខណ្ឌចំការមន ។
បើតាមសម្តីរបស់ឈ្មោះ កង នាង ភេទប្រុស អាយុ៣៥ឆ្នាំ ជាសន្តិសុខយាមនៅស្តារម៉ាតស្មាយ ស្ថិតក្នុងស្ថានីយប្រេងស៊ូគីម៉ិចច្រមុះជ្រូកក្បាលថ្នល់ បានឱ្យដឹងថា មុនពេលកើតហេតុមានរថយន្តហ្វដមួយបាំងកន្លះ ពណ៌ស បើកបរដោយបុរសម្នាក់បានចតមុខស្តារម៉ាតស្មាយ ហើយដើរចូលទៅក្នុងកម៉ាតមួយសន្ទុះមិនដឹងទិញរបស់អ្វីខ្លះទេ ខណៈនោះ ឈ្មោះ កែវ ស៊ីណារ៉ា ភេទប្រុស អាយុ២៧ឆ្នាំ ជាបុគ្គលិកស្ថានីយប្រេងឥន្ធនៈស៊ូគីម៉ិច ពេលស្ងាត់ភ្ងៀវបានដើរទៅឈរនិយាយលេងជាមួយខ្លួនជាសន្តិសុខ នៅមុខស្តារម៉ាតនោះ។ និយាយបណ្តើររាប់លុយបណ្តើរ។ ប្រភពដដែលបន្តទៀតថា បន្ទាប់មកស្រាប់តែបុរសម្ចាស់រថយន្តហ្វដបានចេញពីក្នុង ស្តារម៉ាតទៅបញ្ឆេះរថយន្ត តែមិនឆេះ សន្តិសុខក៏ទៅសួរនាំ ហើយបុរសនោះបានខ្ចីទូរស័ព្ទខ្លួនចុចមិនដឹងនិយាយទៅអ្នក ណាទេ ។ ពេលនោះខ្លួនជាសន្តិសុខបានសួរថា រថយន្តរបស់លោករុញឆេះឬអត់ រួចសន្តិសុខបានទៅបបួលបុគ្គលិកចាក់សាំងឈ្មោះ កែវ ស៊ីណារ៉ា ឱ្យទៅជួយរុញប៉ុន្តែបុគ្គលិកចាក់សាំងនោះប្រាប់ថា២នាក់ រុញអត់ឆេះទេ ម្យ៉ាងទៀតរូបគេឈឺភ្នែក មិនអាចរុញបានទេ ឱ្យគាត់ជួលអ្នករត់ម៉ូតូឌុបជួយរុញទៅ ។
សន្តិសុខក៏ជួយរុញរថយន្តនោះតែម្នាក់ ឯង ដោយម្ចាស់រថយន្តជួយដោលជើងផងដែរ ប៉ុន្តែរថយន្តនៅមិនឆេះ។ ម្ចាស់រថយន្តដែលមានក្លិនស្រាផងនោះ ខឹងមួម៉ៅដើរសំដៅទៅបុគ្គលិកចាក់សាំងដកកាំភ្លើងភ្ជង់ ហើយយារដៃប្រុងវាយតែបុគ្គលិកខាងលើរងជាប់ក៏បង្កឱ្យមានការ ភ្ញាក់ផ្អើលឆោឡោ និងរាយការណ៍ប្រាប់សមត្ថកិច្ចតែម្តង៕
Bopha
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]