មិនមែនបង្អាប់ទេ ប្រុសៗគឺអ៊ីចឹង ភាគច្រើនមានទម្លាប់អាក្រក់ទាំងនេះ បានស្រីៗអត់ចង់នៅក្បែរ ហើយចាប់ផ្តើមឆ្ងល់ខ្លួនឯង ខុសខាតអីបានស្រីៗអត់ចូលចិត្ត។ ឈប់ឆ្ងល់ទៀត ចាំ “Hello គ្រូពេទ្យ” ប្រាប់មូលហេតុខ្លះឲ្យដឹង ពេលខ្លះប្រុសៗអាចមើលរំលងកំហុស និងទម្លាប់អាក្រក់ទាំងនេះ បានស្រីៗមិនចូលចិត្ត។
១- មិនប្រើក្រែមលាបមុនឲ្យមានសំណើម
ប្រុសៗភាគច្រើនគិតថា ខ្លួនគ្មានពេលគ្រប់គ្រាន់សម្រាប់ដើរទិញក្រែមមកលាបទេ តែទោះរវល់យ៉ាងណា ត្រូវចាំថាភាពចាស់នៅលើផ្ទៃមុខស្បែកធ្លាក់យារ ធ្វើឲ្យបាត់បង់ភាពទាក់ទាញពីស្រីៗបាន។ ហេតុនេះ សាកសួរដៃគូរ ឬមិត្តភក្ដិ តើមានក្រែមរក្សាសំណើមលើផ្ទៃមុខបែបណាសក្ដិសមសម្រាប់យើង។
២- ទុកពុកចង្កាវែងៗ
ទុកពុកចង្កាវែងៗរឹតតែធ្វើឲ្យបាត់បង់នូវភាពទាក់ទាញមួយកម្រិតទៀត។ អាចទៅហាងកាត់សក់ណាយើងចូលចិត្ត ដើម្បីតុបតែងពុកមាត់ ពុកចង្កាតាមបំណងប្រាថ្នា។ ត្រូវចាំថា គួរប្រើសាប៊ូ ឬប្រេងលាបទៅលើពុកចង្កាផ្ទៃមុខ និងសក់ផង។
៣- ប្រើទឹកអប់ហួសប្រមាណ
រាល់ពេលស្លៀកពាក់ចេញទៅក្រៅធ្វើការ ឬណាត់ជួប និងចូលរួមព្រឹត្តិការណ៍អ្វីមួយ ប្រុសៗមិនគួរបាញ់ទឹកអប់ច្រើនពេក រហូតជះក្លិនខ្លាំងឈួលដល់ខ្លួននោះទេ ព្រោះអាចប៉ះពាល់អារម្មណ៍អ្នកដទៃ ស្រីៗភាគច្រើន មិនចូលចិត្តក្លិនឈួលរបស់ទឹកអប់ទេ។ បាញ់ទឹកអប់បន្តិចបន្តួចនៅលើកដៃ ផ្នែកខាងក្រោយកញ្ចឹងក ឬស្លឹកត្រចៀកបានហើយ ពេលនោះកម្ដៅរាងកាយ នឹងអប់ក្លិនឲ្យក្រអូបជាប់ខ្លួនពេញមួយថ្ងៃបាន។
៤- មិនកាត់ក្រចកឲ្យបានស្អាត
រឿងនេះ ប្រុសៗភាគច្រើនមើលរំលង មិនសូវយកចិត្តទុកដាក់សម្អាតក្រចក។ បើដៃយើងស្អាតហើយ តែក្រចកដៃមិនស្អាត បណ្តាលឲ្យស្រីមានអារម្មណ៍មិនល្អ ពេលនៅក្បែរយើង។ ហេតុនេះ គួរចំណាយពេលបន្តិច ទៅរកជាងធ្វើក្រចក ឬកាត់ដោយខ្លួនឯង ឲ្យបានស្អាតជាប្រចាំ។
៥- រោមច្រមុះរោមចិញ្ចើមវែងៗពេក
គួរកាត់រោមច្រមុះចេញ យ៉ាងហោចណាស់ឲ្យបានម្ដងក្នុងមួយសប្ដាហ៍ ក្រៅពីនេះលាបក្រមួនលើរោមចិញ្ចើមពេលទៅកាត់សក់។ រោមចិញ្ចើមក្រាស់ធ្វើឲ្យយើងមានអារម្មណ៍ថាពិសេសខ្លាំងមែន ប៉ុន្តែបើវាដុះច្រើនលើត្របកភ្នែកទាំងមូល នឹងធ្វើឲ្យមើលទៅ ដូចជារញ៉ាំរញ៉ូវគ្រប់ពេល។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
