ខេត្តបាត់ដំបង ៖ យុវជន២នាក់ត្រូវកម្លាំងសមត្ថកិច្ចឃាត់ខ្លួនជាបន្តបន្ទាប់ កាលពីយប់ថ្ងៃទី៣០ ឧសភា នៅកន្លែងការដ្ឋានកាយដីរបស់ពួកគេ ដែលស្ថិតនៅក្នុងភូមិសសរពក ឃុំកន្ទឺ១ ស្រុកបាណន់ ក្រោយពីត្រូវបានប្ដឹងចោទប្រកាន់ថា បានល្បូងក្មេងស្រីដែលជាអនីតិជនចំនួន២នាក់ឱ្យផឹកស្រាស្រវឹង រួចនាំគ្នាចាប់រំលោភ ដែលម្នាក់បានសម្រេច រីឯម្នាក់ទៀតបានត្រឹមស្ទាបអង្អែល ។
លោកប៉ាន់ វ៉ាន់នី អធិការស្រុកបាណន់ ដែលកំពុងចាត់ការលើសំណុំរឿងនេះបានឲ្យដឹងថា ជនសង្ស័យទាំង២នាក់នោះ ម្នាក់ឈ្មោះខិន ផាត អាយុ១៧ឆ្នាំ រស់នៅភូមិដូង ឃុំឈើទាល ស្រុកបាណន់ បានចាប់រំលោភក្មេងស្រីអាយុ១៣ឆ្នាំរហូតបានសម្រេច ។ និងម្នាក់ទៀតឈ្មោះអេង តុលា ហៅតុ អាយុ២២ឆ្នាំ រស់នៅភូមិរូង ឃុំចែងមានជ័យ ស្រុកបាណន់ បានត្រឹមថើប និងស្ទាបអង្អែលប្រដាប់ភេទ ក្មេងស្រីអាយុ១៤ឆ្នាំ។
លោកអធិការបានបញ្ជាក់ថា អាណាព្យាបាលក្មេងស្រីរងគ្រោះទាំង២នាក់បានប្ដឹងចោទប្រកាន់ យុវជនកំហូច២នាក់នេះថា បានចាប់រំលោភពួកនាង ដោយម្នាក់បានសម្រេច ខណៈម្នាក់ទៀតបានត្រឹមអោបថើបនិងស្ទាបអង្អែលលេងជាល្បែង ដែលកើតឡើងនៅវេលាម៉ោង៩យប់ថ្ងៃទី២៩ ឧសភា នៅកន្លែងការដ្ឋានកាយដីរបស់ពួកគេ ក្រោយពីបង្ខំឲ្យពួកនាងផឹកស្រាស្រវឹង នៅចំណុចភូមិសសរពក ឃុំកន្ទឺ១ ស្រុកបាណន់។ ក្រោយពីទទូលបានបណ្ដឹងនេះ ទើបលោកស្នងការខេត្ត និងលោកព្រះរាជអាជ្ញាបញ្ជាឲ្យនាំខ្លួនជនទាំង២នាក់នេះ មកសួរនាំ និងឃាត់ខ្លួនតែម្ដង។
បើតាមចម្លើយក្មេងស្រី ដែលសមត្ថកិច្ចបានស្រង់សំដីបានឲ្យដឹងថា ឈ្មោះផាត និង ឈ្មោះតុលា ជាកម្មករគ្រឿងចក្រកាយដីនេះ ហើយនឹងពួកនាង គឺទើបស្គាល់គ្នាដែលនៅក្បែរនោះ។ នាងនិយាយថា នៅយប់កើតហេតុជនទាំង២នាក់ បានទិញស្រាយកទៅផឹកនៅកន្លែងកាយដី ហើយពេលពួកនាងដើរកាត់ ក៏ហៅពួកនាងឲ្យចូលលែង តែពេលនោះបានបង្ខំឲ្យពួកនាងផឹកស្រារហូតដល់ស្រវឹង ។ សមត្ថកិច្ចបានស្រង់សំដីក្មេងស្រីទៀតថា ពេលឃើញពួកនាងស្រវឹង ស្រាប់តែជនទាំង២នាក់ បានចាប់អោបថើបពួកនាងតាមអំពើចិត្ត រហូតចាប់រំលោភពួកនាងតែម្ដង។
គេនៅមិនទាន់ទទូលបានចម្លើយសារភាពបែបណា ពីជនសង្ស័យឈ្មោះខិន ផាត និង ឈ្មោះអេង តុលា ហៅតុ នៅឡើយទេ ជុំវិញការចោទប្រកាន់ខាងលើ រហូតដល់ពេលនេះ ។ ប៉ុន្តែលោកប៉ាន់ វ៉ាន់នី អធិការស្រុកបានន់ បានប្រាប់កោះសន្តិភាពតាមទូរស័ព្ទថា បើតាមចម្លើយបឋមរបស់ជនសង្ស័យទាំង២នាក់ ពួកគេបានសារភាពទទូលស្គាល់ការពិត តែនិយាយថា ជាការព្រមព្រៀង៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
