មួយបទនេះ របស់ម៉ា ច័ន្ទបញ្ញា ត្រូវរឿងយុវវ័យដូចពេលបច្ចុប្បន្ន ពេកហើយ (មានចម្រៀង)

ភ្នំពេញ៖ មុននេះបន្តិច តារាចម្រៀងលោក ម៉ា ច័ន្ទបញ្ញា បានបញ្ចេញស្នាដៃថ្មីមួយបទទៀតហើយ ក្រោមចំណងជើងថា «រាប់អាន» ដែលបទថ្មីនេះ ទាំងសាច់ភ្លេង ទឹកដមសម្លេង និងអត្ថន័យ គឺបុកត្រូវអារម្មណ៍យុវវ័យមិនធម្មតា។ អ្នកចូលស្ដាប់បទនេះមិនតិចទេ លាន់មាត់សរសើរថាលោកគឺនៅតែជាតារាចម្រៀងដែលមានសមត្ថភាពពិបាកមើលរំលង។

បទចម្រៀងរបស់លោកក្រោមចំណងជើងថា «រាប់អាន» នេះ គឺជាស្នាដៃថ្មីរបស់លោក ម៉ា ច័ន្ទបញ្ញា ខណៈដែលលោកត្រូវបានគេកត់សម្គាល់ថា យូរៗទើបចេញមួយបទ តែមួយបទដែលលោកបង្ហោះឡើង គឺបុកត្រូវចិត្តមហាជន។ លោកនៅត្រូវគេចាត់ទុកថា ជាតារាចម្រៀងវ័យក្មេង ដែលមានសមត្ថភាពផលិតបទថ្មី ស្ដែងឡើងពីអារម្មណ៍របស់យុវវ័យ និងត្រូវបរិបទយុវវ័យ ទើបធ្វើឱ្យស្នាដៃ ដែលបញ្ចេញម្ដងៗ គឺភាគតិចដែលមិនបានជោគជ័យ។

លោក ម៉ា ច័ន្ទបញ្ញា ត្រូវបានគេឃើញបង្ហាញអារម្មណ៍សប្បាយចិត្តយ៉ាងខ្លាំង ដែលមួយបទ «រាប់អាន» របស់លោក ចេញភ្លាមទទួលបានការគាំទ្រភ្លែត ស្របគ្នាដែលលោកប្រកាសថានឹងនៅបន្តផលិតបទចម្រៀងថ្មីបម្រើអារម្មណ៍មហាជន បើទោះជាលោកមមាញឹកខុសពីមុន ដើម្បីរួមចំណែកលើកស្ទួយវិស័យចម្រៀងនិពន្ធថ្មីរបស់ខ្មែរដោយមិនទម្លាក់ជំហរ៕

ទស្សនាវីដេអូ និងរូបភាពខាងក្រោម៖ 

• ម៉ា ច័ន្ទបញ្ញា
• ចម្រៀង
• វីដេអូ