ទំនេរមិនទាន់ កុលដាវី និងស្វាមី នាំគ្នាបង្ហាញភាពផ្អែមល្ហែម ដល់ក្រៅប្រទេស!

វៀតណាម៖ ក្រោយរៀបការអស់ពេលជាច្រើនខែមកនេះ ឃើញថាតារាសម្តែងស្រីដ៏មានប្រជាប្រិយភាព និងមានសន្ទុះខ្លាំង អ្នកនាងកុល ដាវី កាន់តែមានសុភមង្គលខ្លាំងឡើង គួរឲ្យសរសើរ និងធ្វើឲ្យអ្នកគាំទ្រជាច្រើនពេញចិត្តយ៉ាងខ្លាំង។

ជាក់ស្តែងនៅក្នុងថ្ងៃនេះដែរ តារាសម្តែងស្រីរូបនេះ និងស្វាមីជាទីស្រលាញ់បានដឹកដៃគ្នាសាងសុភមង្គល នៅលើទឹកដីវៀតណាម ក្រោយបានសម្រាកទំនេរពីការងារ។ មិនត្រឹមតែប៉ុណ្ណោះនៅក្នុងនោះអ្នកទាំង២ក៏បានបង្ហាញនូវ ក្តីស្រលាញ់ ភាពផ្អែមល្ហែមយ៉ាងខ្លាំង ធ្វើឲ្យអ្នកគាំទ្រសឹងលើសជាតិស្ករទៅហើយ។

អ្វីដែលកាន់តែពិសេសនោះគឺ ក្នុងឱកាសនេះដែលនាងក៏បានធ្វើការបង្ហាញអារម្មណ៍ ពិសេសទៅកាន់ស្វាមីថា៖ «អរគុណប្តីសំលាញ់ ដែលស្រលាញ់ និង មើលថែអូនយ៉ាងល្អ ៧ឆ្នាំពិតជាលឿនណាស់ អ្វីក៏ប្រួលប្រែច្រើន តែស្នេហារឹតតែស្រលាញ់គ្នាលើសដើម សូមអោយពួកយើងអាចដឹកដៃគ្នាបែបនេះដល់ចាស់កោងខ្នងរៀងខ្លួន»។

តាមរយៈសារក៏ដូចជាសកម្មភាព ពោរពេញដោយក្តីសុខរបស់តារារូបនេះ បានធ្វើឲ្យបណ្តាអ្នកគាំទ្រសរសើរដល់នាងគ្រប់គ្នា ដែលទទួលបាននូវក្តីសុខយ៉ាងល្អបែបនេះ នៅក្នុងជីវិតក្រោយពេលរៀបការ៕

សូមទស្សនារូបភាពខាងក្រោមនេះ៖

• ​កុ​ល​ ​ដាវី​​
• តារាខ្មែរ