លី ម៉ារីណា លេងខ្លួនក្នុងរ៉ូប២ឈុត យ៉ាងស្អាតខ្លាំង ក្នុងថ្ងៃកំណើតយប់មិញ

ភ្នំពេញ៖ ជារៀងរាល់ឆ្នាំឃើញថាតារាសម្តែងស្រីដ៏មានប្រជាប្រិយភាពអ្នកនាង លី ម៉ារីណា តែងប្រារព្ធនូវពិធីខួបកំណើយសម្រាប់ខ្លួនឯង ជាមួយនឹងការជួបជុំពីសំណាក់ភ្ញៀវកិត្តិយសជាច្រើន និងតារាល្បីមួយចំនួនបានចូលរួមដោយក្តីរំភើប និងសប្បាយរីករាយ។

ជាក់ស្តែងនាក្នុងឆ្នាំនេះមិនខុសពីឆ្នាំមុន ដែលតារាស្រីសាច់ចាំរូបនេះបានធ្វើការលេងខ្លួនយ៉ាងស្រស់ស្អាត និងប្លែកភ្នែកខ្លាំង ក្នុងឈុតរ៉ូប២ឈុត យ៉ាងទាក់ទាញ ទោះបីជាបច្ចុប្បន្នមានវ័យកាន់តែច្រើនយ៉ាងណាក្តី។

ចំណែកឯនៅក្នុងកម្មវិធីវិញ ក៏ពោរពេញដោយភាពរីករាយ និងស្នាមញញឹមយ៉ាងខ្លាំង នៅក្នុងថ្ងៃដ៏ពិសេសរបស់តារាស្រី ដ៏ស្អាតរូបនេះផងដែរ។ ទន្ទឹមនឹងថ្ងៃពិសេសនេះដែរ បណ្តាអ្នកគាំទ្រជាច្រើនបាននាំគ្នា ចូលរួមជូនពរទៅកាន់នាង នៅក្នុងថ្ងៃកំណើតគ្រប់គ្នា។

ជាពិសេសនោះគឺអ្នកគាំទ្រមិនភ្លេចសរសើរដល់នាង ដែលមានវ័យច្រើនយ៉ាងណាក្តី តែនៅធ្វើពិធីខួបកំណើតសម្រាប់ខ្លួនឯង យ៉ាងរីករាយ ស្របពេលដែលរូបសម្រស់ក៏កាន់តែស្រស់ស្អាតខ្លាំងឡើង មិនចាញ់ក្មេងៗ យ៉ាងគួរឲ្យច្រណែនតែម្តង៕

សូមទស្សនាទិដ្ឋភាព និងសម្រស់តារាស្រីរូបនេះក្នុងថ្ងៃកំណើតយប់មិញ ខាងក្រោមនេះ៖ 

• លី ម៉ារីណា
• តារាខ្មែរ