បើកបង្ហាញទិដ្ឋភាពផ្ទះផ្ទាល់ខ្លួន របស់Kenនៅជប៉ុន ទើបធ្វើហើយថ្មីៗ ស្អាតគួរឲ្យចង់រស់នៅ

ជប៉ុន៖ ជារឿយៗយើងតែងសង្កេតឃើញថា គ្រួសាររបស់តារាសម្តែងប្រុសជើងចាស់លោក Ken Teeradetch តែងតែមានដំណើរកម្សាន្តទៅទីកន្លែងនានា ទាំងក្នុង និងក្រៅប្រទេស យ៉ាងមានសុភមង្គល។ នៅក្នុងនោះប្រទេសជប៉ុន ក៏ជាប្រទេសដែលលោកនាំគ្រួសារទៅលេងយ៉ាងញឹកញាប់។

ជាក់ស្តែង មិនត្រឹមតែទៅលេងតែប៉ុណ្ណោះទេ ប៉ុន្តែលោកនិងភរិយាបានសម្រេចចិត្តទិញផ្ទះនៅទីនោះថែមទៀតផង ហើយទើបតែបញ្ចប់ការសាងសង់ថ្មីៗនេះ។ ដោយនៅថ្ងៃទី២៤ ខែឧសភាកន្លងទៅ លោកបានផុសរូបជាច្រើនសន្លឹកនៅក្នុងគណនីអ៊ីនស្តារក្រាមផ្ទាល់ខ្លួន និងមានភ្ជាប់ប្រយោគមួយឃ្លាខ្លីថា «Mission Completed» ។

ដោយយោងតាមរូបភាពជាច្រើនសន្លឹក បង្ហាញឲ្យឃើញផ្ទះរបស់លោកពិតជាស្អាត អមដោយទេសភាពនៅក្នុងប្រទេសជប៉ុន ពិតជាគួរឲ្យចង់រស់នៅខ្លាំងណាស់។ ក្រោយពីឃើញការផុសបែបនេះរបស់លោក មានមិត្តរួមសិល្បៈជាច្រើនបានចូលទៅសម្តែងការអបអរសាទរ និងរីករាយជាមួយក្រុមគ្រួសារបស់លោកផងដែរ៕

ចង់ដឹងកាន់តែច្បាស់ តោះ!ទៅទស្សនារូបភាពខាងក្រោមទាំងអស់គ្នា៖   

• តារាថៃ