វ័យ៤១ឆ្នាំទៅហើយ តែមួយឈុតរបស់ Aum Patcharapa កាលពីយប់មិញ ធ្វើឲ្យក្មេងៗស្រករក្រោយសុំខ្មាស!

ថៃ៖ ប្រិយមិត្តជាច្រើន ប្រាកដជាបានជ្រាបរួចមកហើយពីតារាសម្ដែងស្រី ជនជាតិថៃដ៏លុ្បីម្នាក់ គឺ Aum Patcharapa ដែលជាកំពូលតារាថៃ មានការពេញនិយមពីសំណាក់មិត្តៗយុវវ័យយ៉ាងខ្លាំង។

ជាពិសេស Aum Patcharapa បានធ្វើឲ្យប្រិយមិត្តទូទៅ ចាប់អារម្មណ៏តាមរយៈស្ទីលតុបតែងខ្លួន និងសម្រស់ដ៏ស្រស់ស្អាត  ដែលហាក់បីដូចជា មិនមានការប្រែប្រួលសោះឡើយ ទោះបីនាងស្ថិតក្នុងវ័យ៤១ឆ្នាំហើយក៏ដោយ។

ជាក់ស្ដែង កាលពីកម្មវិធីខួបកំណើត របស់មិត្តភក្ដិជិតស្និទ្ធរបស់នាង បានធ្វើឲ្យហ្វេនៗភ្ញាក់ផ្អើលគ្រប់គ្នា ដោយសារការតុបតែងខ្លួនរបស់ Aum មានភាពស្រស់ស្អាត និងគួរឲ្យទាក់ទាញ ដែលមើលទៅមិនសមនឹងអាយុនាងទាល់តែសោះ។ 

នាពេលនោះ​ តារាសម្ដែងស្រីរូបនេះ បានលេងខ្លួនបែបស៊ិចស៊ី ដោយជ្រើសរើសយកការស្លៀករ៉ូបខ្លី ពណ៌ខៀវ រំលេចដោយភាពភ្លឺផ្លេក អមដោយការផាត់មុខបែបធម្មតាៗ ធ្វើឲ្យនាងមានភាពលេចធ្លោយ៉ាងខ្លាំងក្នុងកម្មវិធីនោះ៕

ចង់ដឹងថា Aum Patcharapa មានភាពស្រស់ស្អាតបែបណា ទស្សនារូបភាពខាងក្រោម៖

• រូបភាព
• តារាថៃ