អាកាសផ្លាស់ប្តូរពីក្តៅ ទៅមានភ្លៀងធ្លាក់ ច្បាស់ណាស់ធ្វើឲ្យប៉ះពាល់ដល់សុខភាពមនុស្សគ្រប់គ្នា ពិសេសកូនក្មេងដែលមានប្រព័ន្ធការពារខ្សោយ។ ខាងក្រោមនេះជាគន្លឹះខ្លះៗសម្រាប់ម៉ាក់ប៉ាថែទាំសុខភាពកូនតូចៗក្នុងរដូវភ្លៀងមិនឲ្យឈឺ។
១- ត្រូវមានអាវភ្លៀង ឬឆ័ត្រ
យើងមិនត្រូវឲ្យកូនតូចលេងទឹកភ្លៀង ឬដើរកាត់ភ្លៀងដោយគ្មានអាវភ្លៀង ឬឆ័ត្របាំងនោះទេ ព្រោះអាចធ្វើឲ្យកូនកើតជំងឺផ្តាសាយ និងក្តៅខ្លួន។
២- ងូតទឹកឲ្យកូនក្រោយត្រូវទឹកភ្លៀង
ទោះជាកូនតូចត្រូវទឹកភ្លៀងតិច ឬច្រើន ម៉ាក់ត្រូវតែងូតទឹកជម្រះកាយឲ្យកូនម្តងទៀតជាមួយទឹកស្អាត និងសាប៊ូ នោះទើបមិនមានបញ្ហាស្បែក ឬទៅជាគ្រុនក្តៅ និងផ្តាសាយ។
៣- លាងដៃកូនជាមួយសាប៊ូ
អនាម័យជារឿងចាំបាច់ ទាំងចំណីអាហារ និងខ្លួនប្រាណ ម្ល៉ោះហើយគ្រប់ពេលដែលកូនយើងលេង ឬប៉ះពាល់របស់ផ្សេងៗរួច ត្រូវតែលាងសម្អាតដៃកូនជាមួយសាប៊ូ ទើបមិនឆ្លងមេរោគផ្សេងៗ។
៤- ឲ្យកូនញ៉ាំរបស់ក្តៅឧណ្ហៗ
ពេលមានភ្លៀវធ្លាក់ អាហារក្តៅៗដូចជា ស៊ុប ទឹកគោដោះក្តៅ ឬទឹកក្តៅឧណ្ហៗ ពិតជាល្អចំពោះសុខភាពក្មេង ថែមទាំងអាចការពារមិនឲ្យកើតមានជំងឺទៀតផង។
៥- ឲ្យកូនញ៉ាំចំណីអាហារសម្បូរជីវភាព
យើងត្រូវផ្តល់អាហារូបត្ថម្ភកូនឲ្យបានគ្រប់គ្រាន់ និងចម្រុះមុខ មានទាំងបន្លែផ្លែឈើ ត្រី សាច់ ស៊ុត ទើបធ្វើឲ្យសុខភាពកូនរឹងមាំ អាចទ្រាំធននឹងជំងឺផ្សេងៗ។
៦- ការពារកូនមិនឲ្យមូសខាំ
ខែភ្លៀងសម្បូរសត្វមូសណាស់ វាជាភ្នាក់ងារចម្លងជំងឺច្រើនមុខ ដូចជាគ្រុនឈាម គ្រុនចាញ់ជាដើម ដូច្នេះម៉ាក់ប៉ាចាំបាច់ត្រូវការពារកូនកុំឲ្យមូសខាំ ដោយឲ្យកូនគេងក្នុងមុងជានិច្ច ហើយបើចេញក្រៅនៅកន្លែងងងឹត ឬមានព្រៃនោះ ត្រូវលាប ឬបាញ់ស្ព្រៃយ៍ការពារ និងត្រូវបំបាត់ជម្រកមូស។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]