ខេត្តព្រះសីហនុ ៖ តាមសេចក្តីរាយការណ៍បឋមបានឲ្យដឹងថា នៅព្រឹកថ្ងៃទី២៣ ឧសភា២០១៩នេះ បុរសម្នាក់ត្រូវបានគេស្គាល់ថា ឈ្មោះ យឿង អឹម អាយុ៣៨ឆ្នាំ មានមុខរបរធ្វើស្រែ មានទីលំនៅភូមិអុង ឃុំរាមស្រុកព្រៃនប់ ខេត្តព្រះសីហនុ ត្រូវបានគេប្រទះឃើញដេកស្លាប់ជាមួយនឹងស្នាមរបួស មុតដោយអាវុធមុខស្រួចចំនួន៣រុននៅជាប់នឹងខ្លួនជនរងគ្រោះ នៅចំនុចលើទំនប់ជាប់ស្រែបង្គារ ស្ថិតក្នុងភូមិឃុំខាងលើ។
សេចក្តីរាយការណ៍បានបន្តថា ជាមួយ និងករណីនេះត្រូវបានសមត្ថកិច្ចនគរបាលស្រុកអោយដឹង ក្រោយពិនិត្យសាកសពរួចថា អាចជាករណីឃាតកម្មជាក់ស្តែងព្រោះ នៅលើខ្លួនជនរងគ្រោះ គឺមានស្នាកស្នាមមុត ដោយអាវុធចុងស្រួចបីរុនចាក់ក្នុងពេលតែមួយ (សង្ស័យជាស្នរមុខបី) ។
សមត្ថកិច្ចបានបន្តទៀតថា ករណីនេះសមត្ថកិច្ចកំពុងស្រាវជ្រាវមុខសញ្ញាយ៉ាងយកចិត្តទុកដាក់បំផុត ដើម្បីចាប់ជនដៃដល់មកកាត់ទោសតាមច្បាប់ ស្របពេលដែលអត្តសញ្ញាណត្រូវបានកំណត់បានខ្លះហើយ ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]