រាជធានីភ្នំពេញ ៖ រថយន្តកូរ៉េពណ៌សមួយគ្រឿងបានបុកជាមួយម៉ូតូគុបពណ៌ទឹកប៊ិច ដែលបើកបញ្ច្រាសទិសចំពីមុខបណ្តាលឱ្យម៉ូតូកៀបជាប់ជាមួយ រថយន្តតែសំណាងល្អគ្មានអ្នករងរបួស ។ ហេតុការណ៍នេះកើតឡើងនៅវេលាម៉ោង៨និង១៥នាទីយប់ថ្ងៃទី២០ មីនា តាមបណ្តាយផ្លូវសហព័ន្ធរុស្ស៊ី សង្កាត់ទឹកថ្លា ខណ្ឌសែនសុខ។
តាមព័ត៌មានបានឱ្យដឹងថា មុនពេលកើតហេតុរថយន្តកូរ៉េពណ៌សដែលបើកដោយបុរសម្នាក់ទំនង ជាស្រវឹងបានបើកពីលិចទៅកើតក្នុងល្បឿនគួរសម ។ លុះមកដល់ចំណុចកើតហេតុខាងលើក៏មានម៉ូតូគុបពណ៌ទឹកប៊ិច មួយគ្រឿងបើកដោយបុរសម្នាក់មិនស្គាល់អត្តសញ្ញាណដែលបើក បញ្ច្រាសទិសពីលិចទៅកើតក៏ត្រូវរថយន្តកូរ៉េនោះបុកចំពីមុខ ពេញទំហឹងបណ្តាលឱ្យម៉ូតូកៀបជាប់ជាមួយរថយន្ត តែសំណាងល្អម្ចាស់ម៉ូតូបានហក់ចេញទាន់ទើបមិនបណ្តាលឱ្យ មានគ្រោះថ្នាក់ដល់អាយុជីវិត ។
ក្រោយពេលកើតហេតុម្ចាស់យានយន្តទាំងពីរបានសម្រួលគ្នាយកម៉ូតូនិងរថយន្តទៅជួួសជុលរៀងៗខ្លួន ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]