កូរ៉េខាងត្បូង៖ YoonA ជាតារាចម្រៀង និងតារាសម្តែងស្រីដែលមានទេពកោសល្យខ្ពស់។ ក្រៅពីនេះថែមទាំងជាតារាស្រី មានរូបសម្រស់ស្រស់ស្អាតដែលអ្នកគ្រប់គ្នាទទួលស្គាល់។
ជាក់ស្តែង ស្រីស្អាតសមាជិកមួយរូប នៅក្នុងក្រុមចម្រៀងនារី Girl’s Generation រូបនេះ នឹងត្រៀមចេញSoloអាល់ប៊ុមពិសេស។ ដោយអាល់ប៊ុមពិសេសនេះ មានឈ្មោះថា «A Walk to Remember» ដែលមានបទចម្រៀងទាំងអស់៥បទ ចេញជាផ្លូវការនៅថ្ងៃទី៣០ ខែឧសភានេះ។
នៅថ្ងៃទី២៣ ខែឧសភានេះ ក្រុមការងាររបស់Girl’s Generation បានបញ្ចេញរូបTeaserរបស់ YoonA ចំនួន៣រូប និងថែមទាំងប្រាប់ វេបសាយផ្លូវការសម្រាប់Soloអាល់ប៊ុមរបស់នាងទៀតផង (yoona.smtown.com)។
ដំណឹងមួយនេះ បានធ្វើឲ្យអ្នកគាំទ្ររបស់YoonA រំភើបយ៉ាងខ្លាំង និងកំពុងរង់ចាំយ៉ាងអន្ទះសារសម្រាប់ការត្រលប់មកវិញរបស់នាងលើកនេះ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
