រាករូស ក្តៅខ្លួន បញ្ហារលាកផ្លូវដង្ហើម ជាជំងឺដែលក្មេងតូចៗឧស្សាហ៍ជួបប្រទះបំផុត។ កូនតូចឈឺបណ្តាលមកពីកត្តាច្រើនយ៉ាងណា ក្នុងនោះអាចមកពីសុខភាពកូនកើតមកខ្សោយ អាកាសធាតុប្រែប្រួល ឬក៏អាចមកពីសកម្មភាពធ្វេសប្រហែលរបស់ម៉ាក់ប៉ាទៅវិញ។
ខាងក្រោមនេះជា កំហុសឆ្គង ៣ យ៉ាងធ្វើឲ្យកូនរាក ក្តៅខ្លួន ក្អក ឬផ្តាសាយ តែម៉ាក់ប៉ាមិនបានចាប់អារម្មណ៍។
១- ម្តាយបំបៅដោះកូន ញ៉ាំចំណីផ្តេសផ្តាស
កុំទៅឆ្ងល់ បើសិនជាយើងឲ្យកូនម៉ឹមតែទឹកដោះម៉ាក់ៗមួយមុខ ស្រាប់តែកូនទៅជារាករូស នោះច្បាស់ជាយើងញ៉ាំចំណីអីខុសហើយ។ អាហារផ្អាប់ បន្លែ ឬត្រីសាច់ឆៅ ម៉ាក់ៗមិនត្រូវញ៉ាំនោះទេ ព្រោះងាយធ្វើឲ្យកូនហើមពោះ ទល់ខ្យល់ទៅជារាករូស។
២- ប្រើដបដដែលៗឆុងទឹកដោះគោ
គ្នាយើងមួយចំនួនគិតថា ដបទឹកដោះគោអាចប្រើឆុងទឹកដោះគោបានច្រើនដង ឲ្យតែទុកនៅកន្លែងស្អាត តែតាមពិតទៅដបទឹកដោះប្រើរួចបើទុកកាន់តែយូរ នោះបាក់តេរីកកើតកាន់តែច្រើន ក្មេងញ៉ាំទៅងាយរាករូស។ យកល្អកុំយកដបដែលឆុងទឹកដោះគោរួចមកប្រើឡើងវិញ គួរតែមានដបសាគួរ ២ ឬ ៣ និងត្រូវលាងសម្អាតក្រោយប្រើរួចជាមួយទឹកក្តៅ មិនត្រូវទុកចោលយូររាប់ម៉ោងនោះទេ។
៣- បញ្ចុកចំណីកូនផ្តេសផ្តាស
កូនតូចឃើញអីក៏ឃ្លានដែរ តែម៉ាក់ប៉ាមិនត្រូវបញ្ចុកនំចំណី ទឹកដោះគោប្រអប់ ឬទឹកផ្លែឈើកំប៉ុងផ្តេសផ្តាសនោះទេ វាអាចឲ្យកូនទាស់ចំណី ទៅជារាក ក្តៅខ្លួន រលាកបំពង់ក ឬក្អួត ។ បើកូនតូចអាយុក្រោម ៦ ខែ គ្រូពេទ្យណែនាំឲ្យកូនម៉ឹម ទឹកដោះម៉ាក់តែមួយមុខគត់ មិនត្រូវបណ្តក់ទឹកថែមឡើយ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
