ទោះភ័យប៉ុណ្ណា តែកូនស្រីនាយពាក់មី តស៊ូសម្តែង ហ៊ានចុះអណ្តូងទឹក ទាំងទឹកភ្នែក (មានវីដេអូ)

ភ្នំពេញ៖ តារាកំប្លែងប្រុសពូកែសម្តី នាយពាក់មី បច្ចុប្បន្នកាន់តែមានសន្ទុះខ្លាំងនៅក្នុងការគាំទ្រពីមួយថ្ងៃទៅមួយថ្ងៃ ដែលនៅក្នុងនោះលោកក៏មិនភ្លេចដឹកនាំកូនស្រីតូចរបស់ខ្លួន ដែលមានសមត្ថភាពល្អនៅក្នុងការសម្តែង និងមានចំណូលចិត្តខាងសិល្បៈ មកលេងរឿងកុនជាច្រើនជាបន្តបន្ទាប់។

ទន្ទឹមនឹងនេះដែរ លោកតែងតែបង្ហាញជាមួយនឹងឈុតក្រៅឆាកផ្សេងៗ ដែលកូនស្រីរបស់លោកបានលះបង់យ៉ាងខ្លាំង មិនបានសម្រាក និងឈឺខ្លួនប្រាណ ដើម្បីសម្តែងរឿងកុនឲ្យមើលទៅល្អ និងមិនឆ្គង មិនត្រឹមតែប៉ុណ្ណោះ បណ្តាអ្នកគាំទ្រជាច្រើនពិតជាពេញចិត្តតែម្តង។

ជាក់ស្តែង កាលពីពេលថ្មីៗនេះ លោកក៏បានធ្វើការបង្ហោះវីដេអូឈុតក្រៅឆាកមួយរបស់កូនស្រី ដែលនាងបានយំផង និងភ័យខ្លាចផង ខណៈដែលត្រូវចុះចូលទៅក្នុងអណ្តូងទឹក ជម្រៅជាង២ម៉ែត្រតែម្នាក់ឯង។ តែទោះជាមានភាពភ័យខ្លាចបែបណា ក៏កូនស្រីរបស់លោក នៅតែខំប្រឹង ចុះទៅដើម្បីសម្តែងបន្តទៀត។

តាមរយៈសកម្មភាពមួយនេះ អ្នកគាំទ្រជាច្រើន ពិតជាអាណិតដល់កូនរបស់លោកតែម្តង ដែលមិននឹកស្មានថានាងនៅក្មេងប៉ុណ្ណឹងសោះ តែចូលចិត្តស្រលាញ់ខាងសិល្បៈ ថែមទាំងលះបង់ខ្លាំងយ៉ាងនេះ ៕

សូមទស្សនាវីដេអូខាងក្រោមនេះ៖

• ពាក់មី
• វីដេអូ
• តារាខ្មែរ