មិនច្រណែនមិនបាន កូនមួយហើយ តែសារ៉ាយ សក្ខណា និងស្វាមី កាន់តែស្អិតរមួត

អាមេរិក៖ ជាការពិត មនុស្សស្រីរាល់គ្នា សុទ្ធសឹងតែចង់បាន ជីវិតគូដែលផ្អែមល្ហែម និង មានបុរសដែលចេះយកចិត្ត ទុកដាក់ចំពោះក្រុមគ្រួសារ។ 

ជាក់ស្ដែង  តារាសម្ដែងស្រី សារ៉ាយ សក្ខណា​ បានធ្វើឲ្យហ្វេនៗ មិនសរសើរមិនបាន ពីស្នេហារបស់នាង។ ក្នុងនោះ អ្នកនាង បានរៀបការជាមួយស្វាមី ដែលជាអាណិកជន ហើយបានទៅរស់នៅ លើទឹកដីសហរដ្ឋអាមេរិក និងមានចំណងដៃ កូនស្រីដ៏គួរឲ្យស្រលាញ់ ម្នាក់ទៀតផង។ 

បើក្រឡេកមើល ជីវិតស្នេហារបស់នាង បានធ្វើឲ្យមហាជន មានការច្រណែនជាខ្លាំង គឺស្វាមីរបស់នាង បានថ្នាក់ថ្នម មិនឲ្យទាស់ចិត្តឡើយ ជាពិសេស​ បើទោះបីជា ម្ចាស់បេះដូងរបស់នាង រវល់បែបណា ក៏តែងឆ្លៀតពេលវេលា សម្រាប់នាងនិងកូនស្រីជានិច្ច ។

តាមរយៈគណនីហ្វេសប៊ុក របស់សក្ខណា តែងតែបង្ហោះរូបភាពស្វីតៗ រវាងនាងនិងស្វាមី ដែលបានដើរលំហែជាច្រើនកន្លែង ប្រកបដោយទឹកមុខ សប្បាយរីករាយនិងមានក្ដីសុខយ៉ាងខ្លាំង អមដោយពាក្យពេចន៏ផ្អែមល្អែម។ ម៉្យាងទៀត ស្នេហារបស់តារាសម្ដែងនេះ មិនដែលលេចលឺ រឿងចម្រូងចម្រាស់អ្វីនោះឡើយ គឺមានតែការដែលរស់នៅ ប្រកបដោយសុភមង្គលផងដែរ។

ក្រោយពីឃើញបែបនេះហើយ ហ្វេនៗរបស់នាងបញ្ចេញមតិ សប្បាយចិត្តយ៉ាងខ្លាំង ដែលឃើញសក្ខណា មានសំណាងបែបនេះ ព្រមទាំងរំពឹងថា នឹងបានឃើញវត្តមាន តារាសម្ដែងរូបនេះ មកលេងនៅស្រុកខ្មែរ ឆាប់ៗទៀតផង៕

• សារ៉ាយ សក្ខណា
• តារាខ្មែរ