Ning Sophida ទម្លាយរូបភាពPre-Weddingខ្លួន និងគូស្នេហ៍ យ៉ាងផ្អែមល្ហែម លើទឹកដីប្រទេសបារាំង

ថៃ៖ ដូចដែលប្រិយមិត្តមួយចំនួនបានជ្រាបរួចមកហើយថា កាលពីដើមឆ្នាំ២០១៩នេះ អតីតMiss Universe កញ្ញា Ning Sophida ត្រូវបានគូស្នេហ៍រូបសង្ហា ដែលស្រលាញ់គ្នាជាច្រើនឆ្នាំ បានលុតជង្គង់សុំរៀបការ យ៉ាងផ្អែមល្ហែម នៅចំពោះមុខមិត្តភក្តិ និងគ្រួសារនាងតែម្ដង។

យ៉ាងណាមិញ បន្ទាប់ពីបានរៀបចំកម្មវិធីដ៏ពិសេស ដែលធ្វើឲ្យតារាស្រីរូបនេះ នឹងមិនអាចបំភ្លេចបានហើយនោះ តារាស្រី កញ្ញា Sophida និងគូស្នេហ៍ដែលជាកម្លោះអ្នកជំនួញ ក៏រឹតតែមានភាពផ្អែមល្ហែមជាមួយគ្នាកាន់តែខ្លាំងឡើង ប៉ុន្តែពួកគេក៏មិនបានប្រកាសថា នឹងត្រៀមចូលរោងការជាមួយគ្នា នៅពេលណាមួយនោះដែរ។

ជាក់ស្ដែង ស្រាប់តែថ្មីៗនេះ តារាស្រីដ៏ស្រស់ស្អាត កញ្ញា Sophida បានធ្វើឲ្យប្រិយមិត្តអ្នកគាំទ្រជាច្រើន មានការភ្ញាក់ផ្អើល និងមានក្ដីរំភើបចិត្តជាខ្លាំង ជាមួយនឹងរូបភាពPre-Wedding ដ៏គួរឲ្យទាក់ទាញ និងជាពិសេសប្លែកភ្នែក ប៉ុន្មានសន្លឹកដែលតារាស្រីរូបនេះ បានធ្វើការចំណាយប្រាក់ជាច្រើន ទៅថតដល់ប្រទេសបារាំងឯណោះ។

ជាមួយគ្នានេះដែរ ក៏មានបណ្ដាហ្វេនៗជាច្រើន បានកំពុងតែរង់ចាំមើលថា ពិធីមង្គលការរបស់អាយដលរបស់ពួកគេ នឹងធ្វើឡើងនៅពេលណាផងដែរ ប៉ុន្តែនៅក្នុងនោះមហាជន បានគិតថាថ្ងៃពិសេសរបស់តារាស្រីរូបនេះ និងគូស្នេហ៍ ច្បាស់ជាធ្វើឡើងនាពេលឆាប់ៗខាងមុខនេះហើយ៕

សូមទស្សរូបភាពខាងក្រោម៖ 

• តារាថៃ