ដំណើរកម្សាន្ត ទៅឆ្នេរសមុទ្រលើកនេះ សួស វីហ្សា និងគូស្នេហ៏ លេងស្ទាយ៏ប្លែកភ្នែក

ថៃ៖ បន្ទាប់ពីតារាចម្រៀង សួស វីហ្សា បើកចំហស្នេហា ជាសាធារណៈជាមួយតារាម៉ូដែលប្រុស ថមមី រួចមក​គេសង្កេតឃើញថា ទំនាក់ទំនងរវាងគូស្នេហ៏មួយគូនេះ មានភាពស្អិតរមួត កាន់តែខ្លាំងឡើងជាលំដាប់។

អ្វីដែលធ្វើឲ្យមហាជន មានការកោតសរសើរខ្លាំងនោះគឺ គូស្នេហ៏នេះ បានចាប់ដៃកសាងផ្លូវជីវិតរួមគ្នា ដោយខិតខំអស់ពីកម្លាំងញើសឈាមជាមួយគ្នា រហូតបានផ្ទះដ៏ស្កឹមស្កៃ និងរថយន្តមួយគ្រឿង យ៉ាងទំនើប។ ជាពិសេស ពួកគេទាំងពីរ តែងតែមានពេលវេលា សម្រាប់សម្រាកលំហែកាយ តាមកន្លែងនានា ដើម្បីសាងអនុស្សាវរីយ៏ ទៀតផង។

ជាក់ស្ដែង ថ្មីៗនេះ សួស​​ វីហ្សា និង ថមមី បានទៅកម្សាន្តនៅឯទឹកដីប្រទេសថៃ គឺនៅលើឆ្នេរសមុទ្រដ៏ល្បី ភូកេត ផ្ទាល់តែម្ដង។ អ្វីដែលពិសេស​ ពួកគេបានបង្កការភ្ញាក់ផ្អើលយ៉ាងខ្លាំង តាមរយៈកម្រងរូបភាព ជាច្រើនសន្លឹក ដែលពោរពេញដោយស្នាមញញឹម និងមានភាពផ្អែមល្ហែម អមដោយស្ទាយ៏សម្លៀកបំពាក់ដែលប្លែក និងមានលក្ខណៈស៊ិចស៊ីបែបបំភ័ន្តភ្នែក ហើយពេលដែលហ្វេនៗឃើញហើយ ទប់សំណើចមិនបាននោះឡើយ។

ប៉ុន្តែទោះបីជាយ៉ាងណាក៏ដោយ ក៏គូស្នេហ៏មួយគូនេះ ​មិនទាន់បានបង្ហើបពីដំណឹងល្អ ថានឹងចូលរោងជ័យ ថ្ងៃណានោះឡើយ ដោយចាំបង្កភាពភ្ញាក់ផ្អើលដល់ទស្សនិកជនតែម្ដង៕

• សួស វីហ្សា
• រូបភាព
• តារាខ្មែរ