លោកវេជ្ជបណ្ឌិតឯកទេសទូទៅ លី ឬទ្ធីគុណ និងជាម្ចាស់សេវាកម្មថែទាំមនុស្សចាស់តាមគេហដ្ឋានបានឲ្យដឹងថា សម័យនេះការញ៉ាំបន្លែផ្លែឈើច្រើនមិនអាចជួយឲ្យសុខភាពរឹងមាំបានទេ ព្រោះរបស់អស់ទាំងនោះសុទ្ធសឹងតែមានផ្ទុកសារធាតុគីមី ដែលនាំឲ្យយើងឈឺច្រើនលើសដើម។
គ្រូពេទ្យខាងលើបានបញ្ជាក់ថា ការញ៉ាំច្រើន រឹតតែឈឺច្រើនទៅវិញទេ មិនអាចជួយបានឡើយ៖
«សម័យនេះអ្វីក៏ update ដែរមិនថាបន្លែ ផ្លែឈើ ត្រី សាច់ គឺលែងមានធម្មជាតិទៀតហើយ លើកលែងតែរបស់ខ្លួនឯង។ ខ្ញុំលើកឧទាហរណ៍មួយ អ្នកខ្លះគ្មានលទ្ធភាពទិញផ្លែឈើញ៉ាំទេ ញ៉ាំតែបាយស ត្រីងៀត ត្បិតតែស្គមស្គាំងមែន តែមិនឈឺសោះ ព្រោះថាគាត់មិនបានបន្ថែមសារធាតុគីមីដទៃទៀតចូលទៅក្នុងខ្លួន»។
ម្ចាស់សេវាកម្មថែទាំមនុស្សចាស់តាមគេហដ្ឋាន រូបនេះបានបន្តទៀតថា ការញ៉ាំបន្លែ ផ្លែឈើ គឺដើម្បីទទួលបានវីតាមីន ជាតិកាកសរសៃ ទុកជួយទប់ទល់ជំងឺផ្សេងៗ។ ផ្ទុយទៅវិញ ប្រសិនបើយើងជ្រើសរើសបន្លែ ផ្លែឈើខុស មានជាតិគីមីវិញ វានឹងធ្វើឲ្យសុខភាពយើងកាន់តែទ្រុឌទ្រោមឡើងៗ មានបញ្ហាក្រពះ ពោះវៀន ថ្លើម ព្រោះថាបច្ចុប្បន្នពិបាករករបស់ធម្មជាតិណាស់។
ដើម្បីទទួលបានសុខភាពល្អវេជ្ជបណ្ឌិត លី ឬទ្ធីគុណ បានណែនាំឲ្យញ៉ាំវីតាមីនគ្រាប់ដែលជាពពួកវីតាមីនបំពេញបង្គ្រប់នូវអ្វីដែលអាហារមិនអាចបំពេញបាន។ ងាកមកមើលរបស់គ្មានជាតិគីមីនៅក្បែរខ្លួនវិញ លោកបានណែនាំឲ្យយើងញ៉ាំទឹកឃ្មុំ ចេក ស្វាយ ល្ហុងទុំ ដែលអាចដាំដោយខ្លួនឯងបាន និងចៀសរបស់នាំចូល ព្រោះតិចច្រើនតែងមានប្រើថ្នាំ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្តល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]