អាហ្វ្រិកខាងត្បូង៖ តារាសាច់ដុំធំលោក Arnold Schwarzenegger ដែលមនុស្សម្នាស្គាល់លោកតាមរយៈរឿង The Terminator នោះ ថ្មីៗនេះលោកត្រូវបានក្មេងស្ទាវស្បែកខ្មៅម្នាក់ ហក់ធាក់ពីក្រោយខ្នងដួលផ្កាប់មុខ បង្កការភ្ញាក់ផ្អើលដល់មនុស្សជាច្រើន ជាពិសេសអ្នកប្រើប្រាស់បណ្តាញសង្គម។
តារាវ័យ ៧១ឆ្នាំរូបនេះបានមកប្រទេសអាហ្វ្រិកខាងត្បូងកាលពីថ្ងៃសៅរ៍កន្លងទៅនេះ ដើម្បីចូលរួមព្រឹតិ្តការណ៍កីឡាដែលធ្វើឡើងជារៀងរាល់ឆ្នាំក្នុងទីក្រុង Johannesburg។
យោងតាមវីដេអូបានបង្ហាញថា ខណៈពេលមនុស្សកំពុងតែថតវីដេអូគាត់ ស្រាប់តែមានក្មេងស្ទាវស្បែកខ្មៅម្នាក់បានហក់ធាក់គាត់ពីក្រោយ បណ្តាលឱ្យគាត់ដួលផ្កាប់មុខយកតែម្តង។
ក្រោយមក សន្តិសុខក៏បានចាប់ក្មេងប្រុសម្នាក់នេះចេញទៅខាងក្រៅភ្លាមៗ។ មិនយូរប៉ុន្មាន ក្មេងប្រុសម្នាក់នេះក៏បានស្រែកថា «ជួយខ្ញុំផង! ខ្ញុំត្រូវការឡាន Lamborghini»។
ជាក់ស្តែងមូលហេតុដែលក្មេងប្រុសម្នាក់នេះបែកគំនិតទៅហក់ធាក់លោក Arnold មកពីគេចង់សុំឱ្យលោក Arnold ទិញឡាន Lamborghini ឱ្យគេ។
ក្រោយមក លោក Arnold ក៏បានចាកចេញពីទីកន្លែងនោះភ្លាមៗ ហើយលោកបានបង្ហោះសារនៅលើបណ្តាញសង្គម Twitter ថា៖
«សូមអរគុណអ្នករាល់គ្នាចំពោះការព្រួយបារម្ភ ប៉ុន្តែគ្មានអ្វីត្រូវបារម្ភនោះទេ។ ខ្ញុំស្មានតែមានហ្វេនបញ្ចៀតគ្នាបុកខ្ញុំ ដល់ពេលមើលវីដេអូទើបដឹងថាការពិត ខ្ញុំត្រូវបានគេហក់ធាក់មែន។ ខ្ញុំពិតជាអរគុណដែលអាម្សៀលនោះមិនបានរំខានវីដេអូ Snapchat របស់ខ្ញុំ។»៕
ចង់ជ្រាបច្បាស់ទស្សនាវីដេអូខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]