ខេត្តតាកែវ ៖ ជនបែកថ្នាំម្នាក់បានដើរអុកឡុក បង្កអោយមានការភ័យខ្លាចដល់គេឯងពេញភូមិដោយគ្មានខ្លាចញញើតអ្នកណាសោះបានចាប់អារ.ក សម្លាប់ក្មេងប្រុសម្នាក់ រួចបោះចូលត្រពាំងទឹក តែត្រូវបានប្រជាពលរដ្ឋក្នុងភូមិនាំគ្នាចាប់ រួចប្រគល់មកអោយសមត្ថកិច្ច រួចសមត្ថកិច្ចក៏បានកសាងសំណុំរឿងបញ្ជូនបន្តមកកាន់ការិយាល័យព្រហ្មទណ្ឌកំរិតធ្ងន់ខេត្ត ដើម្បីបញ្ជូនមកសាលាដំបូងខេត្តកាត់ទោសទៅតាមច្បាប់ ។ ហេតុការនេះបានកើតឡើងកាលពីថ្ងៃទី១៩ ខែឧសភានេះ វេលាម៉ោង១៥នឹង១០នាទីរសៀលស្ថិតក្នុងភូមិត្រពាំងក្រសាំងឃំុពេជសារស្រុកកោះអណ្តែតខេត្តតាកែវ។
លោកសែម សុជាតិ នាយការិយាល័យព្រហ្មទណ្ឌកំរិតធ្ងន់ខេត្តបានអោយដឹងថា ពិតជាមានករណីអារ.ក សម្លាប់ក្មេងប្រុស អាយុ១៣ឆ្នាំម្នាក់ នៅស្រុកកោះអណ្តែត រួចហើយជនសង្ស័យបានយកសពក្មេងប្រុសបោះចូលត្រពាំងទឹកមែន តែត្រូវប្រជាពលរដ្ឋនាំគ្នាចាប់ខ្លួនប្រគល់មកសមត្ថកិច្ចយើងភ្លាមៗបន្ទាប់ពីធ្វើសកម្មភាពរួច ។
ក្មេងប្រុសរងគ្រោះមានឈ្មោះ ទ្រី កក្កដា អាយុ១៣ឆ្នាំ រស់នៅភូមិឃុំកើតហេតុ រីឯជនបង្កជាឃាតករមានឈ្មោះ ហ៊ុន តុលា ភេទប្រុស អាយុ២៧ឆ្នាំ មុខរបរមិនពិតប្រាកដ រស់នៅភូមិឃុំកើតហេតុខាងលើ ។
លោកនាយការិយាល័យព្រហ្មទណ្ឌកំរិតធ្ងន់ខេត្ត បានបន្តទៀតថា មុនពេលកើតហេតុជនសង្ស័យបានបែកថ្នាំយ៉ាងខ្លាំងលែងដឹងអីទៅហើយ រួចយកកាំបិតក្រង៉ុកដេញកាប់ និងអុកឡុកគេពេញភូមិ រួចក៏បានចាប់ក្មេងប្រុសខាងលើអារកសម្លាប់តែម្តង ។ ហើយជនសង្ស័យនៅពេលនេះជំនាញព្រហ្មទណ្ឌយើងកំពុងតែកសាងសំណុំរឿង ដើម្បីបញ្ជូនជនសង្ស័យរួមនឹងវត្ថុតាងទៅកាន់សាលាដំបូងខេត្តចាត់ការទៅតាមច្បាប់ នៅរសៀលថ្ងៃទី២០ ខែឧសភានេះ ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
