កូរ៉េខាងត្បូង៖ បន្ទាប់ពីបញ្ចប់ភារកិច្ច បម្រើជួរកងទ័ពរួចមក Lee Min Ho បានប្រកាសត្រលប់ ចូលវិស័យសិល្បៈសារជាថ្មី។ អ្វីដែលពិសេស មិនទាន់បានប៉ុន្មានផង ស្រាប់តែ តារាសម្ដែងប្រុស ដ៏ល្បីល្បាញនេះទទួលបានការអញ្ជើញ ឲ្យថតខ្សែភាពយន្តជាច្រើន។
ប៉ុន្តែ Lee Min Ho បានយល់ព្រមជាមួយ ផលិតកម្មមួយដោយ សម្ដែងជាតួអង្គឯកក្នុងរឿងថ្មី ដែលមានចំណងជើងថា«The King»។ ក្រោយពីប្រកាសបែបនេះហើយ ធ្វើឲ្យអ្នកគាំទ្រ របស់តារាកូរ៉េដ៏សង្ហារូបនេះ មានការទន្ទឹងមើលថា តើតារាស្រីរូបណា ដែលមានវត្តមាន សម្ដែងជាតួអង្គស្រីជាមួយ Lee Min Ho?
ថ្មីៗនេះ តារាសម្ដែងស្រីដ៏ស្រស់ស្អាត Kim Go Eun ត្រូវបានប្រកាសជាសាធារណៈថា រូបនាង ជាតួអង្គស្រីដែល ត្រូវសម្ដែងក្នុងរឿង«The King» ជាមួយលោក Lee Min Ho។ លើសពីនេះ ហ្វេនៗរំពឹងយ៉ាងខ្លាំងថា តារាសម្ដែងប្រុស ស្រីទាំងពីររូបនេះ នឹងនាំយកចំណីអារម្មណ៏ថ្មី តាមរយៈការសម្ដែងរួមគ្នាជាលើកទីមួយ សម្រាប់អ្នករាល់គ្នា។
គួរបញ្ជាក់ផងដែរថា រឿងថ្មីនេះជាប្រភេទរឿងដែលប្លែក ហើយបច្ចុប្បន្ននេះ កម្រនឹងមានការសម្ដែងបែបនេះណាស់ ជាពិសេស ខ្សែភាពយន្តថ្មីនេះផងដែរ មានការជាប់ទាក់ទងនឹង ព្រាយបិសាចទៀតផង។
ដូច្នេះ ចង់ដឹងថា ខ្សែភាពយន្តថ្មីដែលជា ការសម្ដែងរួមគ្នារវាង Lee Min Ho និងKim Go Eun មានលក្ខណៈប្លែកបែបណា រង់ចាំតាមដានទស្សនាទាំងអស់គ្នា ដែលមានការចាក់បញ្ចាំងនៅ ពាក់កណ្ដាលឆ្នាំ២០២០ ខាងមុខនេះ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
