រាជធានីភ្នំពេញ ៖ បន្ទប់ផ្ទះជួលមួយកន្លែងស្ថិតនៅភូមិឃ្លាំងសាំង សង្កាត់ឫស្សីកែវ ខណ្ឌឫស្សីកែវ ត្រូវបានកម្លាំងសមត្ថកិច្ចការិយាល័យប្រឆាំងគ្រឿងញៀនឆ្មក់ចូល ឆែកឆេរកាលពីវេលាម៉ោង៤រសៀលថ្ងៃទី២០ មីនា ឃាត់ខ្លួនបានជនសង្ស័យ២នាក់ប្តីប្រពន្ធ និងដកហូតបានថ្នាំញៀនប្រភេទម៉ាទឹកកក៥កញ្ចប់តូច ម្សៅស៣កញ្ចប់តូច ថ្នាំគ្រាប់ចំនួន៣គ្រាប់ ម្សៅពណ៌ផ្កាឈូកចំនួន២កញ្ចប់ ជញ្ជីង១ ព្រមទាំងថង់សម្រាប់ច្រកមួយចំនួនទៀត ។
ការចុះឆែកឆេរលំនៅឋានបង្ក្រាបគ្រឿងញៀននេះដឹក នាំដោយលោកសៀង សុខ ព្រះរាជអាជ្ញារងសាលាដំបូងរាជធានីភ្នំពេញ ព្រមទាំងមានការចូលរួមពីសមត្ថកិច្ចមូលដ្ឋានផងដែរ ។ ជនសង្ស័យដែលត្រូវចាប់ខ្លួនម្នាក់ឈ្មោះម៉ន ភេវ ភេទប្រុស អាយុ៣៣ឆ្នាំ មានលំនៅផ្ទះលេខ៦៩Eo សង្កាត់ស្វាយប៉ាក ខណ្ឌឫស្សីកែវ ស្នាក់នៅបន្ទប់ជួលខាងលើ និងម្នាក់ទៀតឈ្មោះឡេ ធីវេ ភេទស្រី អាយុ៤២ឆ្នាំ ត្រូវជាប្រពន្ធ ។
តាមសមត្ថកិច្ចឱ្យដឹងថា ជនសង្ស័យ២នាក់ នេះជាមុខសញ្ញាជួញដូរគ្រឿងញៀន ។ ដោយមានការស្រាវជ្រាវពីសមត្ថកិច្ចការិយាល័យប្រឆាំងគ្រឿងញៀន នៃស្នងការនគរបាលរាជធានីភ្នំពេញ ទើបឈានទៅចាប់ខ្លួនបុរសជាប្តីនៅតាមផ្លូវជាតិលេខ៥ ក្នុងសង្កាត់ឫស្សីកែវ ខណៈជននេះយកគ្រឿងញៀនទៅចែកចាយ ព្រមទាំងដកហូតបានគ្រឿងញៀនមួយចំនួន ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
