ថៃ៖ ជារឿងគួរឲ្យភ្ញាក់ផ្អើល ក្រោយនារីម្នាក់ បង្ហាញសម្រស់ជាថ្មី ជាមួយនឹងមុខមាត់កែសម្ផស្សមួយទំហឹង ដោយសារតែ ចង់ឈ្នះចិត្តអតីតស្វាមីរបស់នាង ដែលព្រមបោះបង់នាង ព្រោះតែរឿងសម្រស់នេះ។
បើតាមប្រភពព័ត៌មានថៃ បានឲ្យដឹងថា នារីម្នាក់ ឈ្មោះ Chindarat Jinda មានអាយុ៣៦ឆ្នាំ ពេលនេះ កំពុងតែមានកូនធំៗក្នុងបន្ទុកគ្រួសារ និងចិញ្ចឹមពួកគេ ដោយនាងផ្ទាល់ ព្រោះតែនាង និងស្វាមី បានលែងលះគ្នា ទៅហើយ។
ចំពោះមូលហេតុដែល ធ្វើឲ្យស្វាមី ដាច់ចិត្តលែងលះ មិនអាល័យអនុស្សាវរីយ៍នៅជាមួយគ្នា ដោយសារតែ នាង មិនមានរូបរាង និងសម្រស់គួរជាទីបេតី ជាមនុស្សស្រីធាត់ គ្មានភាពទាក់ទាញសូម្បីតែបន្តិច។
ក្នុងនោះ នាងបាននិយាយថា កាលពីដំបូង នាង និងស្វាមី បានទៅខ្ចីលុយធនាគារ ដើម្បីបើកហាងផ្កាដោយខ្លួនផ្ទាល់ ព្រោះជាការងារដែលនាងបានស្រលាញ់ជាយូរមកហើយ។ ដោយសារតែរវល់នឹងរបរ និងការមើលថែកូន ស្ទើរតែធ្វើឲ្យនាង គ្មានពេលមើលថែខ្លួនសោះ ហើយយូរៗទៅ រាងរបស់នាងក៏កាន់តែធាត់ និងមុខកាន់តែអាក្រក់ទៅ។ មិនយូរមិនឆាប់ ស្វាមីរបស់នាង បានអស់ចិត្តស្រលាញ់ ក៏សម្រេចចិត្តដាក់ពាក្យ សុំលែងលះ ដើម្បីទៅរស់នៅ ជាមួយនឹងស្រីថ្មីរបស់គេ។
ព្រោះតែឈឺចាប់ពេក នឹងស្វាមីដែលបោះបង់នាង ដោយសារតែនាងមុខមិនស្អាត ទើបនាងសន្សំលុយ រហូតបានទៅសម្រេចចិត្តទៅកែសម្ផស្ស ដោយនាងចំណាយអស់១.៥ លានបាត ដោយកែលើមុខទាំងស្រុង កែដើមទ្រូង ព្យាបាលសាច់មុខ។ ជាពិសេស ក្រៅពីនេះ នាងក៏បានចំណាយពេល ហាត់ប្រាណ ដើម្បីឲ្យទម្ងន់របស់នាងស្រកផងដែរ។
រយៈពេល៧ខែ បានកន្លងផុតទៅ ទីផុតសម្រស់របស់នាងក្រោយកែសម្ផស្ស និងរូបរាង ដែលនាងខំហាត់ប្រាណ (ពី៧០គីឡូ មក៤៩គីឡូ) ក៏បានទទួលលទ្ធផលគួរជាទីបេតី ដែលសឹងតែ អាចនិយាយបានថា ជាមនុស្ស២ផ្សេងគ្នា យ៉ាងដូច្នោះដែរ ពិតជាស្រស់ស្អាត និងវ័យក្មេងខ្លាំងណាស់៕
តោះទៅមើលសម្រស់របស់នាង ក្រោយកែសម្ផស្សទាំងអស់គ្នា៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
