រាជធានីភ្នំពេញ ៖ ស្ត្រីម្នាក់ដោយសាតូចចិត្តនឹងប្តីរឿងផឹកស៊ីនិយាយណែនាំមិនស្តាប់ ស្រាប់តែចង.កសម្លាប់ខ្លួនឯងនឹងក្រមាជាប់ចង្រឹងបង្អូច បង្កឱ្យមានការភ្ញាក់ផ្អើលប្តឹងសមត្ថកិច្ចមូលដ្ឋានកាលពីម៉ោង២២និង៣០នាទីយប់ ថ្ងៃទី១៨ ខែឧសភា ឆ្នាំ២០១៩ នៅផ្ទះល្វែងក្នុងបុរីលឹមឈាងហាក់ ស្ថិតក្នុងភូមិត្រពាំងថ្លឹង៤ សង្កាត់ចោមចៅ១ ខណ្ឌពោធិ៍សែនជ័យ។
ស្ត្រីរងគ្រោះខាងលើឈ្មោះ ទូច យឹម អាយុ២៨ឆ្នាំ មុខរបរកម្មការិនីរោចក្រ ស្នាក់នៅភូមិត្រពាំងថ្លឹង៤ សង្កាត់ចោមចៅ១ ខណ្ឌពោធិ៍សែនជ័យ ចំណែកប្តីឈ្មោះ ឌុត សំអាត អាយុ៣៧ឆ្នាំ ជាជនពិការ (ស្វិតជើងសងខាង) មានមុខរបរជាគ្រូបង្រៀនភាសាចិន នៅផ្ទះទីតាំងខាងលើ។
ប្រភពពីបុរសជាប្តីបានឲ្យដឹងថា មុនកើតហេតុក្រោយពីគាត់បង្រៀនសិស្សចប់បានហៅបងប្រុសមកហូបបន្តិចបន្តូចនៅមុខផ្ទះ ពេលនោះប្រពន្ធគាត់អង្គុយលេងទូរស័ព្ទក្នុងផ្ទះ និងបានឆាតមកឱ្យគាត់ឈប់ផឹក ពេលនោះគាត់ឆាតទៅវិញដោយឌឺដងរបៀបលេងសើច ក្រោយពីគាត់ឈប់ផឹកក៏ចូលបន្ទប់ងូតទឹក លុះចេញមកវិញស្រាប់តែឃើញប្រពន្ធគាត់ចង.កសម្លាប់ខ្លួនដោយយកក្រម៉ាចងនឹងចង្រឹងបង្អូចទៅហើយ ទោះបីគាត់ និងប្រជាពលរដ្ឋខំព្យាយាមជួយសង្គ្រោះក៏មិនអាចសង្គ្រោះបានដែរ។
បុរសជាប្តីបានប្រាប់ទៀតថា កន្លងមក ប្តីប្រពន្ធគាត់ស្រឡាញ់គ្នាណាស់ មិនដែលមានទំនាស់អ្វីឡើយ មិនគួរគាត់គិតខ្លីដល់ថ្នាក់ទៅចង.កសម្លាប់ខ្លួនទេ។
បើតាមការចុះពិនិត្យរបស់សមត្ថកិច្ចជំនាញការិយាល័យបច្ចេកទេសបានបញ្ជាក់ថា ស្ត្រីរងគ្រោះខាងលើពិតជាធ្វើអត្តឃាត ដោយយកក្រម៉ាចង.កសម្លាប់ខ្លួនឯងពិតប្រាកដមែន ។ បច្ចុប្បន្នសពស្ត្រីរងគ្រោះបានប្រគល់ឱ្យសាច់ញាតិយកទៅធ្វើបុណ្យតាមប្រពៃណី។
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]