ភ្នំពេញ៖ មួយរយៈពេលនេះដែលឃើញថា តារាសម្តែងស្រីដ៏មានប្រជាប្រិយភាព កញ្ញាណូម័រ និងវីជេ សុភា កាន់តែបង្ហាញនូវភាពផ្អែមល្ហែមនឹងគ្នាកាន់តែខ្លាំងឡើង រហូតចាប់ដៃគ្នាចុះអេតាស៊ីវិល និងទិញផ្ទះដើម្បីរស់នៅជាមួយគ្នាទៀតផង។
ទោះបីជាមិនទាន់បានបង្ហើបពេលរៀបការយ៉ាងណាក្តី តែគូស្នេហ៍មួយគូនេះ ត្រូវបានបណ្តាអ្នកគាំទ្រជាច្រើនពេញចិត្ត និងសរសើរដល់ពួកគេគ្រប់គ្នា ដែលស្រលាញ់គ្នា ផ្តល់ភាពផ្អែមល្ហែម និងកក់ក្តៅទៅកាន់គ្នាគ្រប់ពេល មិនចាញ់គូភរិយាស្វាមី ដែលរៀបការរួច។
ជាក់ស្តែងកាលពីពេលថ្មីៗនេះ ក៏ស្រាប់តែធ្វើឲ្យអ្នកគាំទ្រកាន់តែភ្ញាក់ផ្អើល និងរំភើបយ៉ាងខ្លាំង ក្រោយលេចធ្លាយនូវសំបុត្រចូលរោងជ័យរៀបអាពាហ៍ពិពាហ៍របស់អ្នកទាំង២ ដែលបានធ្វើឡើងនៅប៉ុន្មានថ្ងៃនេះទៀត ពោលគឺថ្ងៃទី ២៨ ខែឧសភា ឆ្នាំ២០១៩នេះ។
ដំណឹងដ៏ល្អមួយនេះបានធ្វើឲ្យ បណ្តាអ្នកគាំទ្រជាច្រើនពិតជារំភើបចិត្តជំនួសពួកគេ ដែលត្រៀមនឹងក្លាយជាប្តីប្រពន្ធនឹងគ្នាស្របច្បាប់ ក្រោយបានតស៊ូជាមួយគ្នាអស់រយៈពេលជាច្រើនឆ្នាំមកនេះ៕
សូមទស្សនារូបភាពខាងក្រោមនេះ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]