អង់គ្លេស៖ ក្លិប Manchester City បានបញ្ចប់រដូវកាល ២០១៨/២០១៩ នេះយ៉ាងល្អ ដោយបានប្រមូលពានធំៗនៅអង់គ្លេសគ្មានសល់។ ពាន Premier League ក្រោយឈ្នះគូប្រជែង Liverpool, ពាន EFL Cup ក្រោយប៉េណាល់ទីកាត់សេចក្តីទល់នឹង Chelsea រួមនឹងពាន FA Cup មួយបន្ថែមទៀត ដោយបំបាក់ក្រុម Watford យ៉ាងទក់សាច់ក្នុងលទ្ធផល ៦-០ នាកីឡដ្ឋាន Wembly Stadium។ គួរឱ្យដឹងថា ជ័យជម្នះ ៦-០ របស់ Man City ទៅលើ Watford នេះ គឺជាជ័យជម្នះធំបំផុតក្នុងកំណត់ត្រាវគ្គផ្តាច់ព្រ័ត្រ FA Cup ខណៈជ័យជម្នះធំបែបនេះធ្លាប់កើតមានម្តងដែរ ក្នុងជំនួបផ្តាច់ព្រ័ត្រ FA Cup រវាង Bury ទល់នឹង Derby County កាលពីឆ្នាំ ១៩០៣។
លោក Pep បាននិយាយក្រោយបញ្ចប់ការប្រកួតនេះថា៖ “នេះគឺជាការប្រកួតផ្តាច់ព្រ័ត្រដ៏មិនគួរឱ្យជឿ ហើយពួកយើងបានបញ្ចប់រដូវកាលនេះជាមួយលទ្ធផលដ៏អស្ចារ្យមួយ”។ គួរបញ្ជាក់ថា នេះគឺជាពាន FA Cup ទី៦ ក្នុងប្រវត្តិសាស្ត្ររបស់ក្លិប Man City និងជាពាន FA Cup ដំបូងបំផុតក្រោមការដឹកនាំរបស់លោក Pep Guardiola ចាប់តាំងពីលោកមកដឹកនាំក្លិបនៅឆ្នាំ ២០១៦។
ដោយឡែក ចំពោះជ័យជម្នះរបស់ Man City បានផ្តល់ឱកាសពិសេសមួយដល់ក្លិប Wolve ដែលឈរនៅចំណាត់ថ្នាក់លេខ៧នារដូវកាលនេះ ឱ្យទទួលបានកៅអីពិសេសមួយសម្រាប់ការប្រកួតជម្រុះដណ្តើមទទួលបានកៅអី Europa League នារដូវកាលក្រោយផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]