ភ្នំពេញ៖ មហាជនប្រាកដជាបានស្គាល់ តារាកំប្លែងជើងចាស់ ដ៏ល្បីឈ្មោះ លោក ព្រហ្ម ម៉ាញ ដែលទទួលបានការគាំទ្រខ្លាំង ពីសំណាក់ប្រិយមិត្តរាល់គ្នា តាមរយៈការសម្ដែងអាយ៉ៃឆ្លងឆ្លើយ បែបកំប្លែង។
លោក តែងតែផ្ដល់ស្នាមញញឹមសម្រាប់អ្នករាល់គ្នា តាមអត្ថន័យអាយ៉ៃ ចាក់ទឹកមិនលេចរបស់លោក។ ជាពិសេសលោក ព្រហ្ម ម៉ាញ មិនត្រឹមតែមានការគាំទ្រក្នុងប្រទេសនោះទេ គឺគេតែងឃើញវត្តមានរបស់លោក ទៅសម្ដែងនៅក្រៅប្រទេសជាញឹកញាប់។
ប៉ុន្តែ ជាអកុសល កាលពីយប់មិញ លោក ព្រហ្ម ម៉ាញ បានជួបរឿងដ៏គួរឲ្យសោកស្ដាយមួយ គឺ មានចោរលួចគាស់ផ្ទះ របស់លោកស្របពេល ដែលគ្មានអ្នកណានៅ។ លើសពីនេះ ទ្រព្យសម្បត្តិនៅក្នុងផ្ទះត្រូវចោរ រុករើខ្ទេចខ្ទី ព្រមទាំងបាត់ថវិកាដែលលោកបានខិតខំរក អស់ចំនួន ៥មឺុនដុល្លារ។
តាមរយៈហ្វេសប៊ុករបស់នាយព្រែក បានបង្ហោះរូបភាពប៉ុន្មានសន្លឹក ក្រោយពីមានរឿងដ៏គួរឲ្យសោកសៅបែបនេះ ព្រមទាំងមានការអំពាវនាវ ឲ្យសមត្ថកិច្ចជួយវែករកមុខសញ្ញា ជនដែលបានធ្វើសកម្មភាព និងយកប្រាក់ដែលជាកម្លាំងញើសឈាមរបស់លោក ព្រហ្ម ម៉ាញ នោះយកមកវិញ។ ក្រោយពីឃើញបែបនេះហើយ ធ្វើឲ្យអ្នករាល់គ្នា បញ្ចេញមតិ មានការសោកស្ដាយ និងអាណិតដល់តារាកំប្លែងរូបនេះយ៉ាងខ្លាំង៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
