ភ្នំពេញ៖ ប្រិយមិត្តប្រាកដជាស្គាល់ពី កញ្ញា ស៊ីន យូប៊ីន ដែលជាតារាសម្ដែងដ៏មានប្រជាប្រិយភាព ពីសំណាក់មិត្តៗយុវវ័យ។ លើសពីនេះ យូប៊ីន មានភាពទាក់ទាញតាមរយៈ សម្រស់ស្រស់ស្អាតពីធម្មជាតិ អមដោយអត្តចរិក មិនឆ្មើងឆ្មៃ និងគួរឲ្យស្រលាញ់ទៀតផង។
ដោយឡែក គេសង្កេតឃើញថា តារារូបនេះ ទទួលបានភាពជោគជ័យយ៉ាងខ្លាំង ក្នុងអាជីពសិល្បៈរបស់ខ្លួន ដោយមានជីវិតហ៊ឺហា គឺនាងតែងតែ មានដំណើរកម្សាន្តទៅក្រៅប្រទេសជាញឹកញាប់។
អ្វីដែលពិសេស ក្រៅពីអាជីពជាតារាសម្ដែង យូប៊ីន មានជំនាញសិល្បៈមួយទៀត គឺអាចបកស្រាយ បទចម្រៀងបានយ៉ាងពិរោះរណ្ដំ។ ជាក់ស្ដែង កាលពីប៉ុន្មានថ្ងៃមុន តារាសាច់សខ្ជីរូបនេះ បានបង្ហោះវីដេអូ ដែលខ្លួនបានលើកយកបទមរតកដើម របស់អធិរាជ្យសម្លេងមាស ស៊ីន ស៊ីសាមុត មកច្រៀងសាជាថ្មី។
បទចម្រៀងនោះមានចំណងជើងថា "ភ្នែកជាព្រួញ" ដែលជាសំនៀងដើមរបស់លោកស៊ិន ស៊ីសាមុត និងជាបទមានទំនុកភ្លេងពិរោះ និងមានអត្ថន័យយ៉ាងជ្រាលជ្រៅ។ តាមរយៈបទចម្រៀង Cover របស់យូប៊ីនមួយបទនេះ ធ្វើឲ្យមហាជនរាល់គ្នាសរសើរមិនដាច់ពីមាត់ ពីសម្លេងដ៏ពីរោះរណ្ដំរបស់តារារូបនេះ។
ចង់ដឹងបទចម្រៀងCover របស់ យូប៊ីន ពិរោះយ៉ាងណា ទស្សនាវីដេអូខាងក្រោយ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
