Jooy Warattaya បានបង្ហោះសារ លើកទឹកចិត្តស្វាមី យ៉ាងផ្អែមល្ហែម

ថៃ៖ អ្នកនាង Jooy Warattaya ជា​តារាសម្ដែង ដ៏មានប្រជាប្រិយភាពក្នុងប្រទេសថៃ។ ក្រៅពីអាជីពជាតារាសម្ដែង នាងក៏ជាង តារាបង្ហាញម៉ូត ដែលមានមុខមាត់ស្រស់ស្អាតនិង រូបរាងដ៏គួរឲ្យទាក់ទាញផងដែរ។ 

Jooy Warattaya បានរៀបការជាមួយ បុរសដ៏សង្ហារម្នាក់ ដែលមានអាជីពជាតារាសម្ដែងដូចគ្នា គឺ  Dj Push Puttichai​ កាលពីចុងឆ្នាំ២០១៨ ក្រោយពី​មានទំនាក់ទំនង មើលចិត្តថ្លើមគ្នា រយ​​​​ៈពេល៤ឆ្នាំរួចមក។ លើសពីនេះ គូស្នេហ៏មួយគូនេះ តែង​តែបង្ហោះនូវរូបភាព ជាច្រើនសន្លឺឹក តាមបណ្ដាញសង្គមអីុនស្ដាក្រាម ដែលបង្ហាញពី ជីវិតស្នេហាដ៏ផ្អែមល្ហែមរបស់គេផងដែរ។

ថ្មីៗនេះ​​  Jooy Warattaya បានបង្កការភ្ញាក់ផ្អើលមួយ ដោយបានបង្ហោះរូបភាពយ៉ាងស្អិតរមួត ជាមួយស្វាមីដ៏សង្ហាររបស់នាង ព្រមទាំងអមដោយពាក្យពេចន៏ថា "ចំណងអាពាហ៏ពីពាហ៏របស់យើង មានរយៈពេល៦ខែហើយ អូនស្រលាញ់បង។ អរគុណការខិតខំប្រឹងប្រែងរបស់បង សម្រាប់ក្ដីស្នេហ៏មួយនេះ"។

ក្រោយពីឃើញបែបនេះហើយ ធ្វើឲ្យមហាជនមាន ការច្រណែនដល់គូស្នេហ៏ដ៏សាកសម មួយគូនេះយ៉ាងខ្លាំង ដោយមានការបញ្ចេញមតិ ជូនពរចំណងស្នេហ៏មួយនេះឲ្យបានយូរអង្វែង និងឆាប់មានបុត្រជាចំណងដៃស្នេហ៏ ឆាប់ៗនេះទៀតផង៕

• រូបភាព
• តារាថៃ