ភ្នំពេញ៖ ប្រហែលជាប្រិយមិត្ត ចាំបានថា កាលពីម្សិលមិញ ដែលនាំគ្នាផ្អើល ពីម៉ូតមកុដមួយ នៅក្នុងផេកលក់គ្រឿងអលង្ការដ៏ល្បី ក្នុងរាជធានីភ្នំពេញ បានបង្ហោះ ដោយមនុស្សគ្រប់គ្នា ជឿជាក់ថា ជាមកុដរបស់ ឱក សុគន្ធកញ្ញា។ ប៉ុន្តែក៏មាន មនុស្សមួយចំនួនទៀត មានការមិនជឿ ថាជារបស់អ្នកនាងនោះទេ។
ក្នុងនោះ កាលពីប៉ុន្មានម៉ោងមុននេះ ឱក សុគន្ធកញ្ញា បានបង្ហាញជាមួយនឹងរ៉ូបពណ៌សយ៉ាងស្រស់ស្អាត វែងអូសដី ធ្វើឲ្យភ្ញៀវកិត្តិយស នាំគ្នាសម្លឹងមករកអ្នកនាង សឹងតែគ្រប់គ្នា ដែលមិននឹកស្មានថា អ្នកនាង ស្រស់ដូចជាព្រះនាង ក្នុងរឿងនិទាន យ៉ាងដូច្នេះទេ។ អ្វីដែលកាន់តែពិសេស មកុដដែលគ្រប់គ្នាល្បីពេញហ្វេសប៊ុកនោះ តាមពិតជារបស់អ្នកនាង ដែលមកុដនេះ ត្រូវបានរចនាធ្វើឡើង យ៉ាងប្រណីត ជាមួយនឹងត្បូងពេជ្រ ដាំជាច្រើនគ្រាប់ រំលេចនូវពន្លឺព្រៀកៗ ពេញរោងការ។
គួរបញ្ជាក់ផងដែរថា បើតាមផេកម្ចាស់ហាងពេជ្រ បានបង្ហោះ គឺមកុដនេះ គឺមានតម្លៃទៅដល់៦៣,០០០ដុល្លារឯណោះ ដែលបានធ្វើសម្រិតសម្រាំងជូន អ្នកនាង ឱក សុគន្ធកញ្ញា ជាពិសេស៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]