ឌួង ហ្សូរីដា នាំម្តាយជាទីស្រលាញ់ ដើរលេងកោះម៉ាឌីវ យ៉ាងមានក្តីសុខ ក្រោយជាសះស្បើយពីជំងឺ!

កោះម៉ាឌីវ៖ ពិធីការិនីស្រីដ៏មានប្រជាប្រិយភាពកញ្ញា ឌួង ហ្សូរីដា ទោះបីជាស្ងាត់នៅក្នុងវិស័យសិល្បៈយ៉ាងណាក្តី តែនាងក៏មានមុខជំនួញ និងការងាររកស៊ីផ្ទាល់ខ្លួន ដែលបច្ចុប្បន្នទទួលបានភាពជោគជ័យ និងការគាំទ្រយ៉ាងខ្លាំង។

តារាស្រីរូបនេះមិនត្រឹមតែខិតខំធ្វើការរកស៊ីតែមួយមុខនោះទេ ក៏ប៉ុន្តែនាងក៏បានដើរតួនាទីជាបងស្រី និងកូនស្រីដ៏ល្អសម្រាប់គ្រួសារ ដែលធ្វើឲ្យបណ្តាអ្នកគាំទ្រជាច្រើន តែងតែសរសើរដល់នាងគ្រប់ពេលតែម្តង។

ជាក់ស្តែងកាលពីពេលថ្មីៗនេះ បន្ទាប់ពីការងារធូរស្បើយខ្លះ នាងក៏បាននាំអ្នកម្តាយជាទីស្រលាញ់ និងបងប្អូនស្រីរបស់នាង ដើរលេងនៅក្រៅប្រទេស លើទឹកដី​កោះម៉ាឌីវបង្ហាញសម្រស់យ៉ាងស្រស់ស្អាត។ មិនត្រឹមតែប៉ុណ្ណោះ នាងបានធ្វើឲ្យអ្នកម្តាយសប្បាយ និងរំភើបនៅក្នុងចិត្ត នៅពេលដែលមានពេលវេលា បានដើរលេងជាមួយទេសភាពស្អាតបែបនេះ ជាមួយកូនស្រីរបស់ខ្លូន។

ទន្ទឹមនឹងនេះដែរ បណ្តាអ្នកគាំទ្រជាច្រើនពិតជារំភើប និងរីករាយនៅក្នុងចិត្តយ៉ាងខ្លាំង ដែលនាងបានដើរតូជាកូនស្រី ឬមេគ្រួសារដ៏ល្អ ធ្វើឲ្យម្តាយសប្បាយចិត្តគ្រប់ពេល ក្រោយអ្នកម្តាយរបសនាង ទើបតែជាសះស្បើយពីជំងឺ៕

សូមទស្សនារូបភាពខាងក្រោមនេះ៖ 

• ឌួង ហ្សូរីដា
• រូបភាព
• តារាខ្មែរ