ប្រធានក្លិប Porto ចេញមុខមកបញ្ជាក់ច្បាស់ៗពីស្ថានភាព និងអនាគតរបស់ Casillas

ព័រទុយហ្គាល់៖ នៅលើទំព័រមុខរបស់កាសែតកីឡាដ៏ល្បីល្បាញ O Jogo របស់ព័រទុយហ្គាល់បានចុះផ្សាយអំពីការបញ្ជាក់របស់ប្រធានក្លិប Porto ជុំវិញបញ្ហាពាក់ព័ន្ធនឹងកីឡាករ Iker Casillas។ លោក Jorge Nuno Pinto da Costa ប្រធានក្លិប Porto បានឱ្យដឹងថា កីឡាករ Iker Casillas គឺពិតជានឹងត្រូវចូលនិវត្តន៍ពីអាជីពជាអ្នកចាំទីពិតប្រាកដមែន ដោយសារតែបញ្ហាអាការជំងឺគាំងបេះដូង។ ប៉ុន្តែទោះបីជាបែបនេះក្តី Casillas នៅតែបន្តភារកិច្ចជាមួយគណៈគ្រប់គ្រងក្លិបរបស់ Porto ជាបន្តទៀត។

គួរបញ្ជាក់ថា Iker Casillas បានចូលរួមជាមួយ Porto តាំងពីឆ្នាំ ២០១៥ ក្រោយចំណាយពេល ១៦ឆ្នាំនៅអេស្ប៉ាញ ហើយក៏ទើបតែបន្តកិច្ចសន្យាថ្មីជាមួយ Porto រហូតដល់ឆ្នាំ ២០២០ ផងដែរ។ ដោយឡែកក្រុមគ្រូពេទ្យរបស់ក្លិប Porto វិញ បានវាយតម្លៃពីបញ្ហារបួសរបស់ Casillas ថានឹងអាចជាសះស្បើយពេញលេញវិញនាពេលខាងមុខ ប៉ុន្តែមិនធានាចំពោះស្ថានភាពលើទីលានបន្តទៀតឡើយ៕