ទស្សនិកជនជាច្រើនសុទ្ធតែទទួលស្គាល់ថា អ្នកនាង ចាន់ កែវនិមល គឺជាពិធីការិនីដ៏ឆ្នើមមួយឈរលើលំដាប់កំពូលរបស់ស្ថានីយទូរទស្សន៍ធំមួយ និងជាដៃគូដ៏រហ័សរហួនសមគ្នាបំផុតជាមួយលោក ជា វិបុល។ នៅពេលអ្នកនាងល្បីល្បាញសព្វថ្ងៃ អ្នកនាងសុខចិត្តលះបង់ការងារមួយដែលមានទម្លាប់តស៊ូហាត់រៀនច្រើនឆ្នាំដែលអ្នកនាងនៅតែនឹករលឹកអាជីពចាស់។
អ្នកនាងបានបង្ខំចិត្តចោលមុខតំណែងជាសាស្ត្រាចារ្យផ្នែកឌីហ្សាញ នៅសាកវិទ្យាល័យមួយ ក្រោយពេលសន្ទុះការងារសិល្បៈរបស់អ្នកនាងចាប់ផ្តើមពោងឡើងៗរហូតរកពេលវេលាចែករំលែកតួនាទីជាគ្រូបង្ហាត់ឌីហ្សាញលែងបាន។
អ្នកនាងនិមល ថ្លែងថា ខ្លួនពិតជាធ្លាប់ធ្វើជាគ្រូបង្រៀននិស្សិតនៅសាកលវិទ្យាល័យមែនដោយជំនាញខាងឌីហ្សាញប្លង់បានប្រមាណជា២ទៅ៣ឆ្នាំ។ អ្នកនាងនិយាយថា បើចង់បកក្រោយ គឺមិនអាចដូចដើមនោះទេ។ យើងត្រូវការរៀនរំលឹកឡើងវិញច្រើន ហើយជំនាញនេះគេអាប់ដេតជាប្រចាំ។ ក្បួនចាស់ពីមុនដើរមិនទាន់ឡើយ។ ឯនិស្សិតយើងក៏ខ្លាំងជាងមុន។ ដូចនេះ អ្ន្នកនាងមានតែទទួលយកអ្វីដែលជាការពិតនាពេលបច្ចុប្បន្ននេះ ហើយធ្វើការឱ្យល្អតែប៉ុណ្ណោះ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
