បរទេស៖ ប្រិយមិត្តប្រាកដជាស្គាល់ច្បាស់ តារាប្រុសសញ្ជាតិចិនតៃវ៉ាន់ Jay Chou ដែលលោកជាតារាចម្រៀង និងតារាសម្តែង ដែលមានឈ្មោះបោះសម្លេងទាំងក្នុង និងក្រៅប្រទេស។
ក្រៅពីអាជីពជាតារាចម្រៀង និងតារាសម្តែង លោកថែមទាំងមានមុខជំនួញផ្ទាល់ខ្លួនជាច្រើនដូចជា បើកផលិតកម្មចម្រៀង បើកភោជនីយដ្ឋាន ហាងកាហ្វេ ហាងលក់សម្លៀកបំពាក់ និងផ្សេងៗជាច្រើនទៀត។ លើសពីនេះលោកថែមទាំងធ្លាប់គ្រងតំណែងជា តារាប្រុសដែលប្រាក់ចំណូលច្រើនជាងគេទៀតផង។
នៅក្នុងឆ្នាំ២០១៥ Jay Chou បានរៀបការជាមួយតារាម៉ូដែលស្រីកូនកាត់តៃវ៉ាន់-អូស្ត្រាលី មានឈ្មោះថា Hannah Quinlivan។ ដោយពិធីមង្គលការរបស់ពួកគេទាំងពីរបានរៀបចំឡើង យ៉ាងអធិកអធម។ មកទល់បច្ចុប្បន្ននេះ ពួកគេទាំងពីរមានកូនជាមួយគ្នាចំនួន២នាក់ហើយប្រើប្រាស់ជីវិតគ្រួសារយ៉ាងមានសេចក្តីសុខ។
ជាក់ស្តែងកាលពីថ្ងៃទី១៤ ខែឧសភានេះ Hannah Quinlivan បានចូលរួមនៅក្នុងកម្មវិធីលំដាប់ពិភពលោក Cannes Film Festival នៅក្នុងវគ្គពិសេស «The Dead Don’t Die»។ តែអ្វីដែលគួរចាប់អារម្មណ៍នោះគឺ លេចវត្តមានរបស់លោក Jay Chouដែលជាស្វាមី បានបន្លំខ្លួនធ្វើជាអ្នកគាំទ្រ ឈរមើលភរិយានៅក្នុងកម្មវិធីផ្ទាល់តែម្តង។
ក្រោយពីបានឃើញរូបភាពទាំងនេះ អ្នកគាំទ្រនាំគ្នាសរសើរពីទង្វើរបស់លោក ហើយថែមទាំងនិយាយថា Hannah Quinlivan ពិតជាសំណាងណាស់ដែលមានស្វាមីល្អបែបនេះ៕
ចង់ជ្រាបកាន់តែច្បាស់ ទស្សនារូបភាពខាងក្រោមទាំងអស់គ្នា៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]