អង់គ្លេស៖ ក្លិប Derby County បានទម្លាក់ក្លិប Leeds United ដោយលទ្ធផល ៤-២ កាលពីយប់មិញនេះ នឹងឡើងមកប៉ះក្រុម Aston Villa ដើម្បីដណ្តើមកៅអី Premier League នារដូវកាលក្រោយ។ គួរឱ្យដឹងថា Derby County គឺជាក្រុមដែលឈរនៅលេខ ៦ ក្រោយបញ្ចប់ ៤៦សប្តាហ៍នៅក្របខណ្ឌ Championship របស់អង់គ្លេស និងមានពិន្ទុលើសក្រុមលេខ៧ Middlesbrough តែមួយពិន្ទុប៉ុណ្ណោះ។ ដោយឡែក Leed United វិញ បញ្ចប់នៅចំណាត់ថ្នាក់លេខ ៣ ដោយមាន ៨៣ពិន្ទុក្នុងដៃ។ តាមច្បាប់ Play-Off Leeds United ត្រូវប៉ះក្រុម Derby County ខណៈ West Brom ត្រូវប៉ះ Aston Villa។
ដោយឡែក ក្រោយបញ្ចប់ការប្រកួតជាផ្លូវការទាំងពីរជើង ក្រុម Derby County បានទម្លាក់ក្រុម Leeds United សរុបលទ្ធផល ៤-៣។ លទ្ធផលនេះ សមល្មមគ្រប់គ្រាន់សម្រាប់ Derby ឡើងទៅប៉ះ Aston Villa នៅវគ្គ Promotion Play-Off ដើម្បីស្វែងរកកៅអី Premier League ជាមួយក្រុម ២ទៀតដែលរង់ចាំរួចជាស្រេចរួមមាន Norwich City និង Sheff United។
ដោយឡែក ការប្រកួតរវាងក្រុម Aston Villa ជាមួយ Derby County នឹងត្រូវធ្វើឡើងតែមួយជើងប៉ុណ្ណោះ នាថ្ងៃទី ២៧ ខែ ឧសភាខាងមុខនេះ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
