ថៃ៖ ជារឿយៗតារាសម្តែងប្រុស New Chaiyapol តែងតែផុសរូបបង្ហាញភាពផ្អែមល្ហែមជាមួយមិត្តស្រីនៅក្នុងបណ្តាញសង្គមអ៊ីនស្តារក្រាមផ្ទាល់ខ្លួន។ ប៉ុន្តែថ្មីៗនេះស្រាប់តែលោកបានបញ្ចប់ទំនាក់ទំនងស្នេហាជាមួយមិត្តស្រីភ្លាមៗ ដែលធ្វើឲ្យគាំទ្រស្រឡាំងកាំងគ្រប់គ្នា។
សម្រាប់រឿងនេះទៀតសោត Newមិនមានការលាក់បាំងនោះទេ ហើយលោកថែមទាំងចេញមុខមកនិយាយពី មូលហេតុនៃការបែកគ្នាយ៉ាងដូច្នោះថា៖
« ពួកយើងបានបែកគ្នាមួយរយៈហើយ បញ្ហាមកពីមិនសូវចុះសម្រុងគ្នា ប៉ុន្តែខ្ញុំមិនចង់និយាយថាអ្នកណាជាអ្នកសុំបែកមុននោះទេ ព្រោះគ្រប់យ៉ាងបានបញ្ចប់ហើយ។ តាមពិតទៅការបែកគ្នាលើកនេះខ្ញុំពិតជាសោកស្តាយណាស់ ស្តាយពេលវេលាល្អៗរបស់ពួកយើងទាំងពីរ ជាពេលវេលាមួយដែលមានក្តីសុខ។ ពួកយើងធ្លាប់ព្យាយាមកែប្រែខ្លួនឯងមុនពេលបែកគ្នា តែយ៉ាងណាក៏ដោយខ្ញុំគោរពតាមការសម្រេចចិត្តរបស់នាង ព្រោះជាសង្សារនឹងគ្នា ប្រសិនបើមានអ្នកណាម្នាក់ចង់បញ្ចប់ក្តីស្រលាញ់ យើងក៏ត្រូវធ្វើតាម ទោះបីព្យាយាមយ៉ាងណាក៏គ្មានប្រយោជន៍ដែរ។
បើសួរថា បែកគ្នាហើយអាចធ្វើជាមិត្តភក្តិបានឬទេ? ចំណុចខ្ញុំឆ្លើយមិនបានដូចគ្នា ព្រោះតាំងពីបែកគ្នាមកដល់ពេលនេះ យើងមិនទាន់បាននិយាយគ្នាទៀតទេ ហើយក៏មិនដឹងថានឹងរាប់អានគ្នាជាមិត្តបានឬក៏អត់ដែរ។ ប៉ុន្តែខ្ញុំចង់បញ្ជាក់ថា ពួកយើងបែកគ្នាមិនមែនមកពីបញ្ហាជនទីបីនោះទេ»។
ទោះបីជានេះរឿងដ៏សោកសៅនៅក្នុងចិត្តរបស់Newក៏ពិតមែន ប៉ុន្តែលោកបានជ្រើសរើសការចេញមុខបកស្រាយការពិត ដើម្បីកុំឲ្យហ្វេនៗមានការយល់ច្រឡំតទៅទៀត៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
