ខេត្តបាត់ដំបង ៖ ក្រោយពីទទួលដំណឹងពីកូនស្រីភ្លាម ឪពុកម្តាយក៏បាននាំកូនទៅដាក់ពាក្យបណ្តឹងប្តឹងចាប់បុរសម្នាក់ ដែលប៉ុនប៉ងចាប់រំលោភនាង តែមិនបានសម្រេចត្រូវនាងរត់គេចបាន ហេតុការណ៍កើតឡើងកាលពីវេលាម៉ោង១១ និង២០នាទីព្រឹកថ្ងៃទី១២ ឧសភា ស្ថិតត្រង់ចំណុចភូមិអញ្ចាញ សង្កាត់អូរចា ក្រុងបាត់ដំបង ខណៈពេលកំពុងដើរតាមផ្លូវតែម្នាក់ឯង ។
សេចក្តីរាយការណ៍បន្តថា ជនសង្ស័យខាងលើ ត្រូវសមត្ថកិច្ចចុះឃាត់ខ្លួន ឈ្មោះ រឿន វិន អាយុ៣១ឆ្នាំ មានទីលំនៅក្នុងភូមិកើតហេតុ រីឯនារីរងគ្រោះមានអាយុ១៨ឆ្នាំ ។
បើតាមការរៀបរាប់នារីរងគ្រោះបឱ្យសមត្ថកិច្ចដឹងថា នៅវេលាម៉ោងកើតហេតុនោះ គឺពេលដែលនាងកំពុងដើរតែម្នាក់ឯងបានជួបបុរសរូបនោះ ក៏ស្រាប់តែដើរចូលមកចាប់លូកលាន់ និងឱបថើបនាងយ៉ាងកំរោល ។ នាងបន្តថា ប៉ុន្តែពេលនោះ នាងខំប្រឹងរើបំរះទាល់តែរត់ចេញពីបុរសនោះ ហើយរត់មកផ្ទះយករឿងរ៉ាវមកប្រាប់អ្នកផ្ទះភ្លាមតែម្តង ។
បច្ចុប្បន្ន ជនសង្ស័យកំពុងសាកសួរ និងរៀបចំកសាងសំណុំរឿង ដើម្បីចាត់ការទៅតាមនីតិវិធី ។
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]