បរទេស៖ Selena Gomez ជាតារាចម្រៀងបរទេសស្រិី ដែលមានភាពល្បីល្បាញស្ទើរតែពាសពេញ ពិភពលោកទៅហើយ។ មហាជនជាច្រើនបានស្គាល់ តាមរយៈទឹកដមសម្លេងដ៏ពីរោះ ព្រមទាំងស្ទាយ៏រាំដ៏រស់រវើក របស់នាងទៀតផង។
ថ្មីៗនេះ Selena មានវត្តមាននៅឯអាកាសយានដ្ឋាន Nice ក្នុងទីក្រុងប៉ារីស ប្រទេសបារាំង។ ការធ្វើដំណើរលើកនេះ គឺដើម្បីចូលរួមក្នុងកម្មវិធី Cannes Film ដែលគ្រោងនឹងមាន ការសម្ភោធខ្សែភាពយន្តខ្នាតធំមួយ មានចំណងជើងថា" The Dead Don't Die" ផងដែរ។
ក្នុងពេលនោះដែរ តារាចម្រៀងអាមេរិករូបនេះ ស្ថិតក្នុងស្ទីលសម្លៀកបំពាក់យ៉ាងសាមញ្ញបំផុត ថែមទាំងមិនមានការផាត់មុខទៀតផង ក៏នៅតែមើលទៅមានភាពទាក់ទាញដដែល។ ប៉ុន្តែ Selena Gomez បានធ្វើឲ្យបណ្ដាអ្នកគាំទ្ររបស់នាង មានការកត់សម្គាល់ចំពោះបញ្ហាសុខភាពយ៉ាងខ្លាំង ដោយមុខមាត់របស់តារារូបនេះ មានសភាពស្លេកស្លាំង និងមើលទៅដូចជាមានភាពហត់នឿយខ្លាំង ដោយមិនមានការសម្រាកគ្រប់គ្រាន់។
តាមរយៈរូបថតមួយសន្លឹក បានបង្ហាញឲ្យឃើញយ៉ាងច្បាស់ ពីស្នាមមុនតូចៗដែលនៅលើថ្ងាស និងទឹកមុខដែលមិនសប្បាយចិត្តសោះឡើយ ដែលជាសញ្ញាថា Selena ប្រាកដជាមាន បញ្ហាអ្វីមួយលាក់ក្នុងចិត្តជាមិនខាន ជាពិសេសបញ្ហាសុខភាពរបស់នាងផ្ទាល់តែម្ដង៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]