កូរ៉េខាងត្បូង៖ កាលពីថ្ងៃទី១១ ម្សិលមិញនេះ សមាជិកម្នាក់ក្នុងក្រុម Red Velvet ឈ្មោះ Joy បានបង្កការភ្ញាក់ផ្អើលយ៉ាងខ្លាំង អំឡុងនាងនិងក្រុមរបស់ខ្លួនសម្តែងលើឆាក ហើយមានការបាញ់កាំជ្រួច យ៉ាងច្រើនគ្រាប់នៅលើមេឃ។
ខណៈពេលនោះដែរ គ្រាន់តែសម្លេងកាំជ្រួចបានបន្លឺឡើងជាច្រើនគ្រាប់ ស្រាប់តែ Joy បានយកដៃខ្ទប់ត្រចៀករបស់ខ្លួន លុះមិនបានប៉ុន្មាន ដោយសារតែទ្រាំនឹងសម្លេងកាំជ្រួចជាច្រើនគ្រាប់នោះមិនបាន Joy ក៏បានរត់ចេញទៅអង្គុយពួនកៀនឆាកភ្លាមៗ ដោយយកដៃខ្ទប់ត្រចៀក ដែលធ្វើឲ្យអ្នកគាំទ្រឃើញបែបនេះហើយ មានក្តីបារម្ភចំពោះរូបនាងយ៉ាងខ្លាំង។
ម៉្យាងវិញទៀត បន្ទាប់ពីការសម្តែងចប់ Joy បានបង្ហោះសារសុំការអភ័យទោសចំពោះអ្នកគាំទ្រនូវហេតុការទាំងនោះ ដោយរូបនាងបាននិយាយពន្យល់ថា ដោយសារតែពេលនោះសម្លេងកាំជ្រួច លឺខ្លាំងពេក ហើយសម្លេងនោះ មានការលឺខ្លាំងក្នុងកាសរបស់នាង ដូច្នេះហើយទើបមានហេតុការណ៍នេះកើតឡើង។ នាងបានបន្ថែមទៀតថា ហេតុការណ៍នេះ មិនបានអ្វីប៉ះពាល់នាងធ្ងន់ធ្ងរនោះទេ ហើយនាងនឹងខិតខំតាំងខ្លួនឲ្យល្អ មិនឲ្យមានសកម្មភាពបែបនេះ កើតឡើងម្តងទៀតឡើយ។
ទោះជាយ៉ាងណាក្តី ទាំងនេះគឺជាលើកទីមួយហើយ ដែលអ្នកគាំទ្រឃើញ Joy នាងភ័យដល់ថ្នាក់រត់ចោលឆាកបែបនេះ។ ហើយពួកគេក៏មានការធូរស្រាលអារម្មណ៍ ក្រោយមានការចេញមុខបកស្រាយអំពីស្ថានភាពរបស់ Joy ផងដែរ៕
តើប្រិយមិត្តយល់យ៉ាងណាដែរ?
ចង់ជ្រាបច្បាស់ទស្សនាវីដេអូខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
