ភ្នំពេញ៖ ក្រៅអំពីការផ្សព្វផ្សាយឆាកពិសេសៗនៃរឿងភាគថៃ «នាងបាប» មានបង្ហាញរឿងរ៉ាវជាប់ជំពាក់គ្នាជាច្រើនរវាងមនុស្ស និងខ្មោចតភព តជាតិរួចមក តើលោកអ្នកធ្លាប់គិតរឺទេរឿងរ៉ាវនៃសេចក្តីស្នេហារវាងបុរសស្ត្រីនៅក្នុងជំនាន់មួយ អាចបង្កើតបានជារឿងថ្មីបន្តដល់ជំនាន់ថ្មីមួយទៀត? តើអ្នកធ្លាប់ងឿងឆ្ងល់ឬទេ បញ្ហាមួយចំនួនដែលអ្នកបានជួបប្រទះក្នុងពេលបច្ចុប្បន្នហាក់គ្មានដើមរឿងពិតប្រាកដ? ដោះស្រាយនូវមន្ទិលទាំងអស់នេះរឿង «នាងបាប» នឹងចូលមកបកស្រាយយ៉ាងលម្អិតអំពីទំនាក់ទំនងរវាងកម្ម និងផលដែលមនុស្សពីរជំនាន់បានសាងរួមគ្នា។
ភាពមិនស្មោះត្រង់របស់បុរសជាស្វាមី មិនត្រឹមបំបែកសុភមង្គល ធ្វើឲ្យគ្រួសារមួយបែកបាក់ឡើយ តែចុងក្រោយដោយសារតែអំពើផិតក្បត់របស់ ព្រះវណាថេប បានធ្វើឱ្យប្រពន្ធដើម និងប្រពន្ធចុងជាអ្នកបម្រើក្នុងផ្ទះឈ្លោះទាស់ទែងគ្នា ក្លាយជាគំនុំចាក់ជ្រៅក្នុងជម្រៅចិត្តរៀងខ្លួនមិនអាចដោះស្រាយបាន ហើយឈានដល់ការរៀបល្បិចសម្លាប់គ្នា យកឈ្នះរៀងខ្លួនតែម្តង។ ទោះរឿងធំប៉ុណ្ណាក៏ដោយ តែកាលណាមនុស្សស្លាប់ហើយអ្វីៗក៏ត្រូវបញ្ចប់ តែផលនៃអំពើដែលបុគ្គលម្នាក់បានសាង វាមិនបានបញ្ចប់ទៅតាមអាយុរបស់មនុស្សឡើយ។
ផលនៃកម្មនៅតែតាមតបស្នងលោក នុ ដែលជាព្រះវណាថេប ក្នុងជាតិថ្មីជីវិតក៏ជួបតែរឿងស្មុគស្មាញឥតស្រាករហូតត្រូវរត់រកព្រះធម៌រំលត់ទុក្ខ។ បញ្ហាកើតឡើងច្រើនសន្ធឹក តែព្រះសង្ឃបែរផ្តល់ត្រឹមឱវាទ «រឿងដែលអ្នកបានជួបក្នុងជាតិនេះ គឺជារឿងរបស់កម្មដែលអ្នកបានសាងទុកក្នុងអតីត ហើយតម្រូវឲ្យអ្នកលុបលាងតបសង។ ដំណោះស្រាយ គឺត្រូវធ្វើចិត្តនៅជាមួយបច្ចុប្បន្នឲ្យបានល្អ»។
តើបញ្ហាដែលលោក នុ បានសាងកាលពីច្រើនឆ្នាំមុន ពិតជាអាចបញ្ចប់ត្រឹមការតាំងចិត្តស្ងប់រស់នៅឲ្យបានល្អមែន ឬយ៉ាងណា?
តើការធ្វើអាក្រក់តបស្នងនូវទង្វើអាក្រក់របស់អ្នកដ៏ទៃដែលបានសាងដាក់ខ្លួនជាដំណោះស្រាយត្រឹមត្រូវដែរ ឬទេ? តើការស្រលាញ់មនុស្សម្នាក់យ៉ាងខ្លាំងរហូតលែងបែងចែកអាក្រក់ ល្អ គុណ និងទោស គឺជាកំហុសមែន ឬបែបណា? តើការស៊ូទ្រាំរងទុក្ខចាំមនុស្សម្នាក់រាប់រយខែឆ្នាំនឹងទទួលបានផលតបស្នងបែបណា? សូមកុំភ្លេចរង់ចាំទស្សនាការផ្សាយផ្ទាល់រឿង «នាងបាប» តាមរយៈទូរទស្សន៍ PNN រៀងរាល់ថ្ងៃចន្ទ ដល់ថ្ងៃសុក្រ វេលាម៉ោង ៦ រហូតម៉ោង ៧ យប់៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
